અમદાવાદઃ યુવતીઓ સિવિલમાં દારૂની મહેફીલ માણી રહી છે

| Published: Sunday, September 11, 2016, 16:17 [IST]

અમદાવાદના સિવિલ હોસ્પિટલમાં એક ચોંકાવી નાખે તેવી ઘટના સામે આવી છે. શહેરની જાણીતી હોસ્પિટલના એક ડિપોર્ટમેંટમાં ત્રણ યુવતીઓ બિયરની પાર્ટી માણતા ફોટો વાયરલ થયો છે.

આમ તો ગુજરાતમાં દારૂબંધી છે. પરંતુ દારૂ વેચાઈ પણ છે અને પીવાય પણ છે. વાયરલ થયેલા ફોટોમાં શહેરની ત્રણ યુવતી બિયરના ગ્લાસ અને ટીન સાથે મોજ માણતી જણાઇ રહી છે. આ મામલે રાજ્યમાં દારુબંધીને પગલે પ્રોહિબિશનનો ગુનો બને છે.

સિવિલ હોસ્પિટલ ડિપોર્ટમેંટના એક રૂમમાં 3 યુવતીઓ દારૂની મોજ માણી રહી હતી. આ પાર્ટી દરમિયાન જ તેમને જાતે જ આ ફોટો પાડ્યા હતા પરંતુ તેમના આ ડેટા લીક થઇ ગયા.

હવે આમ જોવા જઈએ તો 2 ગુના લાગુ પડે છે. એક ગુનો છે છોકરીઓ પર જેઓ દારૂની મોજ માણી રહ્યા હતા. પરંતુ બીજો ગુનોએ સાયબર ક્રાઇમનો છે કે તેમના પર્સનલ ફોટો વાયરલ થયા કેવી રીતે?