ગત વર્ષની સરખામણીએ કચ્છમાં ડેંગ્યુના કેસમાં થયો ભારે વધારો
ગુજરાતમાં છેલ્લા બે મહિનાથી કોરોના વાયરસની ગતિમાં ઘટાડો થયો છે અને એક તબક્કે એપ્રિલમાં જ્યાં દરરોજના 14 હજારથી વધુ કેસ નોંધાતા હતા ત્યાં હવે સપ્ટેમ્બરમાં હજુ સુધી કુલ 392 કેસ સામે આવ્યા છે. જોકે, છેલ્લા બે મહિનાથી ડેન્ગ્
ગુજરાતમાં છેલ્લા બે મહિનાથી કોરોના વાયરસની ગતિમાં ઘટાડો થયો છે અને એક તબક્કે એપ્રિલમાં જ્યાં દરરોજના 14 હજારથી વધુ કેસ નોંધાતા હતા ત્યાં હવે સપ્ટેમ્બરમાં હજુ સુધી કુલ 392 કેસ સામે આવ્યા છે. જોકે, છેલ્લા બે મહિનાથી ડેન્ગ્યુ-ચિકનગુનિયા જેવા મચ્છરજન્ય બિમારીઓએ માથું ઉંચક્યું છે. કચ્છમાં મેલેરીયા અધિકારીએ માહિતિ આપતા જણાવ્યું હતુ કે છેલ્લા ડેંગ્યુના 50 કેસ નોંધાયા છે. ગયા વર્ષે ફક્ત 40 સેમ્પલ નોંધાયા હતા જેમાના 2 પોઝિટીવ થયા હતા.
આ વર્ષે 300 જેટલા ટેસ્ટ કરવામાં આવ્યા હતા જેમાંથી 50 કેસ પોઝિટીવ નોંધાયા હતા. વહિવટી તંત્ર દ્વારા લોકોને સાવચેત રહેવા અપિલ કરવામાં આવી છે. જિલ્લા મેલેરીયા અધિકારી પ્રકાશભાઇએ આ માહિતિ આપી હતી. તેમણે જણાવ્યું હતુ કે ઘરની આજુબાજુ નાના પાણીના ખાબોચીયામાંથી આ મચ્છરો ઉત્પન્ન થાય છે તેથી આ પાણીનો નિકાલ કરવો જોઇએ. સ્ચ્છતા જાળવવી જોઇએ જેથી આ રોગોથી બચી શકાય.