નવસારી: કોર્પોરેટર, નેતાએ કરી હોટલમાં તોડફોડ, બધી લીલા થઇ ગઇ કેદ

Published: Wednesday, March 20, 2013, 15:35 [IST]

નવસારી, 20 માર્ચ: ગુજરાતના નવસારીમાં ત્રણ કોર્પોરેટર સહિત બીજેપીના ચાર નેતાઓ પર હોટલમા મારામારી કરવાનો આરોપ છે. તેમની પર આરોપ છે કે રાત્રે ખાવાનું નહીં મળતા રોષે ભરાયેલા આ નેતાઓએ પોતાના સાથીઓને બોલાવીને હોટલમાં જોરદાર તોડફોડ અને મારામારી કરી હતી. જોકે હોટલમાં લાગેલા સીસીટીવી કેમેરામાં આ કોર્પોરેટરોની બધી હરકતો કેદ થઇ ગઇ છે અને તેમની સામે પોલીસે તપાસ પણ આરંભી છે.

કહેવામાં આવે છે કે અશ્વિની કાસુંદરા, જિગ્નેશ નાયક અને મનીષ ઠાકુર નવસારીની એક હોટલમાં મોડી રાત્રે જમવા માટે પહોંચ્યા હતા. જમવાનું પતી ગયા બાદ જ્યારે હોટેલના કર્મચારીઓએ જમવાનું આપવાની ના કહી તો તેમણે રોષે ભરાઇને તેમના સમર્થકો સાથે મળીને હોટલમાં તોડફોડ અને મારામારી કરી.

અત્રે ઉલ્લેખનીય છે કે તેમણે કર્મચારીઓ સાથે મારામારી અને ગાળાગાળી પણ કરી અને ત્રણે કોર્પોરેટરની સાથે બીજેપીના સ્થાનીય નેતા બબલુ શર્મા પણ હાજર હતા. જોકે પોલીસે હજી સુધી આ મામલામાં 10 લોકોની સામે ફરિયાદ દાખલ કરી છે પરંતુ હજી સુધી માત્ર બે આરોપીઓની જ ધરપકડ કરી શકી છે.

Published On March 20, 2013