સુરતી છોકરીએ કર્યું પોલિસ સ્ટેશનમાં દારૂ પીને ધિગાંણુ, પોલિસ પણ હેબતાઇ ગઇ

ગુરુવારે સાંજે વાપી પાસેના પારડીના પોલીસ સ્ટેશનમાં એક છોકરીએ દારૂ પીને ધમાલ મચાવતા પોલીસ પણ શરમમાં મૂકાઈ ગઈ હતી. એટલું જ નહીં યુવતીને નિયંત્રણમાં લાવતા પોલીસના નાકે પણ દમ આવી ગયો હતો.

પ્રાપ્ત માહિતી મુજબ ગુરુવારે સાંજે મૂળ સુરતની આ યુવતી તેના મિત્રો બે યુવતી અને એક યુવક સાથે દમણ ફરવા માટે આવી હતી અને દારૂની મેહફીલ માણી હતી, પરંતુ કોઈક કારણથી મિત્રો વચ્ચે ઝઘડો થતા મિત્રોએ ભગવાડા ટોલનાકા પર યુવતીને એકલી છોડી મુકતા આ યુવતીએ ભગવાડા ટોલનાકા પર દારૂ પીધેલી હાલતમાં હંગામો મચાવ્યો હતો.

જો કે સમગ્ર ઘટના અંગે પારડી પોલીસને જાણ કરતા તેઓ ઘટના સ્થળે પહોંચી યુવતીની કસ્ટડી લઇ પારડી પોલીસ સ્ટેશન લાવ્યા હતા, પરંતુ આ યુવતી નશામાં ચકચૂર હોય આ યુવતીએ પોલીસ સ્ટેશનમાં પણ ધમાલ શરૂ કરી હતી. જેને લઇને પોલીસ પણ શરમમાં મુકાઇ હતી.

ભારે જેહમત બાદ પોલીસે આ યુવતીને કંટ્રોલ કરી હતી અને ત્યાર બાદ આ યુવતીના મિત્રોની અટક કરી તેમના અને આ યુવતી વિરુદ્ધ કાયદેસરની કાર્યવાહી હાથ ધરી હતી.

English summary

Drunk Girl create drama in Vapi Police Station Vapi