Pics: વરસાદ આવે કે વાદળ ગરજે, અમે તો ગરબા કરવાના!

ગુજરાતીઓની એક વાત મસ્ત મઝાની છે કે ગુજરાતી પ્રજા ધાર્યું કરનારી છે. મુશ્કેલી ભલે પડે પણ મુશ્કેલીમાં પણ મઝા કરવાનું ગુજરાતીઓ નથી ભૂલતા. અને એટલા માટે જ તો આ નવરાત્રીએ વરસાદી નિરાશા વચ્ચે પણ ગુજરાતી લોકો તેમના રંગમાં ભંગ બિલકુલ નથી થવા દીધો. વરસાદ આવે તો આવે છત્રી લઇને નાચશું, પલળીશું પણ ગરબા તો રમીને જ રહીશું.

ત્યારે છઠ્ઠા નોરતે નવરાત્રી આમ પતી જશે તે પહેલા નાચી લેવા દે તેવી ઇચ્છા સાથે ગુજરાતભરના ખેલૈયાઓ મન મૂકીને નાચ્યા હતા. ત્યારે નવરાત્રીમાં ખેલૈયાઓ કેવો જલસો પાડ્યો છે જુઓ નીચેની આ તસવીરોમાં....

જીન્સ પેન્ટ વાળી નવરાત્રી

વરસાદ હોવા છતાં લોકો નીચે કાદવ વાળી જમીન પર આ રીતે પ્લાસ્ટિક લગાવીને નાચ્યા હતા. અને નવલી નવરાત્રીને જરા હટકે લૂક આપવા માટે આ રીતે કૂલ ડેનિમ અવતાર પણ બતાવ્યો હતો.

ગરબાની મઝા

અરે ભાઇ ગરબાની મઝા તો લેવાની જ હોયને સંપૂર્ણ પરંપરાગત રીતે તૈયાર થઇને યુવતીઓ ખેલ્યા હતા ગરબા.

સૈનિકોને કર્યા યાદ

એટલું જ નહીં નવરાત્રીમાં ભારતના વીર શહીદ સૈનિકોને પણ લોકોએ યાદ કર્યા હતા. અને ત્રિરંગી નવરાત્રીના સફા પહેરી બેનર બતાવી પાકિસ્તાનને સીધા થઇ જવાની ચેતવણી પણ આપવામાં આવી હતી.

આભલા કેરી કોર...

તો ગરબામાં મહિલાઓ સોળે શણગાર સજી માં દુર્ગાના નવલા નોરતા ગાયા હતા.

ફેશનનો ફટકો

જો કે નવરાત્રી ટાણે ફેશનની ફાવટ પણ મસ્ત જોવા મળી હતી. શોખીન લોકોએ નવરાત્રી સમયે તેમના સજવાના શોખ કંઇક આમ પૂરા કર્યા હતા.

નવરાત્રી

હવે બસ થોડા જ દિવસ ચાલનારી નવરાત્રીને લોકો મનમાં મન ભરીને માણી લેવા માંગતા હતા. અને તેમના ચહેરા પર નવરાત્રીની ખુશી સાફ દેખાતી હતી.

નવરાત્રી

મિત્રોની મહફિલ, સંગીતનો સાથ અને ગરબાની રમજટ નવલી નવરાત્રીની આ ખાસિયત તેને આસ્થા, ભક્તિ અને એક અનહદ ખુશી સાથે કંઇક ખાસ બનાવે છે.

અંબા આવો તો રમીએ

ચહેરા પર સ્મિત લઇને માં અંબાના ભક્તોએ નવલી નવરાત્રીમાં માતાજીને યાદ કરી કંઇક આ રીતે નવરાત્રી માણી હતી.

English summary

Even with Rain, Gujarati enjoyed Navratri. See pics here.