આગામી ત્રણ દિવસ સુધી ભારે વરસાદની આગાહી, આ રાજ્યોમાં વધશે ગરમી
દેશના ઘણા રાજ્યોમાં માર્ચ મહિનામાં જ લોકોને જૂન-જુલાઈ જેવી ગરમીનો અહેસાસ થવા લાગ્યો હતો. 121 વર્ષ બાદ સૌથી ગરમ માર્ચ જોવા મળી હતી. એપ્રિલમાં તાપમાનનો પારો ઉંચો ચડવા લાગ્યો છે.
દેશના ઘણા રાજ્યોમાં માર્ચ મહિનામાં જ લોકોને જૂન-જુલાઈ જેવી ગરમીનો અહેસાસ થવા લાગ્યો હતો. 121 વર્ષ બાદ સૌથી ગરમ માર્ચ જોવા મળી હતી. એપ્રિલમાં તાપમાનનો પારો ઉંચો ચડવા લાગ્યો છે. હવામાન વિભાગે ઉત્તર ભારત સહિત દેશના ઘણા રાજ્યોમાં તીવ્ર ગરમીના મોજાની ચેતવણી જાહેર કરી છે. જોકે, કેટલાક રાજ્યો એવા છે, જ્યાં સતત ત્રણ દિવસ સુધી ભારે વરસાદની આગાહી કરવામાં આવી છે.
આ રાજ્યોમાં તીવ્ર ગરમી વધશે
બિહાર, ઉત્તર પ્રદેશ, દિલ્હી, હરિયાણા, પંજાબ, જમ્મુ અને હિમાચલ પ્રદેશ સહિત ઉત્તર ભારતના ઘણા વિસ્તારોમાં હીટ વેવની સ્થિતિ છે. વિદર્ભ અને ગુજરાતમાં પણપારો ઊંચો જશે.
દક્ષિણ-પશ્ચિમ ઉત્તર પ્રદેશ, મધ્યપ્રદેશના કેટલાક ભાગો, રાજસ્થાન, ગુજરાતના ભાગો, છત્તીસગઢ, ઝારખંડ અને તેલંગાણામાં હીટ વેવની સ્થિતિપ્રવર્તશે.
આ રાજ્યોમાં ભારે વરસાદની ચેતવણી
હવામાન વિભાગના જણાવ્યા અનુસાર, બંગાળની ખાડીમાંથી આવતા મજબૂત દક્ષિણ-પશ્ચિમ પવનોને કારણે અરુણાચલ પ્રદેશ, આસામ, મેઘાલય અને નાગાલેન્ડ,મણિપુર, મિઝોરમ અને ત્રિપુરામાં આગામી પાંચ દિવસ સુધી ભારે વરસાદ થશે.
2 થી 4 એપ્રીલની વચ્ચે પશ્ચિમ બંગાળ અને સિક્કિમના ઉત્તરીય વિસ્તારોમાં ભારેવરસાદની આગાહી કરવામાં આવી છે. મેઘાલયમાં 3 થી 4 એપ્રીલના રોજ ભારે વરસાદની સંભાવના છે.
માર્ચ 121 વર્ષમાં સૌથી ગરમ
હવામાન વિભાગના જણાવ્યા અનુસાર, 121 વર્ષમાં આ વખતે માર્ચ સૌથી ગરમ રહ્યો હતો, જ્યારે 1908 પછીનો સૌથી ઓછો વરસાદ માર્ચમાં નોંધાયો હતો.
હવામાનવિભાગના જણાવ્યા અનુસાર, સક્રિય વેસ્ટર્ન ડિસ્ટર્બન્સની ગેરહાજરીમાં, આ સમયગાળા દરમિયાન ઉત્તર ભારતમાં અસામાન્ય રીતે ગરમ પારો અને ઓછો વરસાદ હતો.
જેના કારણે દક્ષિણ ભારતની હવામાન પ્રણાલી પણ પ્રભાવિત થઈ હતી. આ વખતે સમગ્ર દેશમાં માર્ચનું સરેરાશ મહત્તમ તાપમાન 33.10 ડિગ્રી સેલ્સિયસ નોંધાયું હતું,જે છેલ્લા 121 વર્ષમાં સૌથી વધુ હતું.