અમદાવાદઃ ગોળીબાર કરી ચલાવી 75 લાખની લૂંટ, એકને ઇજા

અમદાવાદ, 21 નવેમ્બરઃ અમદાવાદ શહેરના ચાંદલોડિયા વિસ્તારમાં સવારે આંગડિયા પેઢીના કર્મચારીઓ પર જાહેરમાં ગોળીબાર કરીને 75 લાખની લૂંટ ચલાવવામાં આવી હોવાનું જાણવા મળ્યું છે. પાંચ જેટલા લૂંટારાઓએ પેઢીના બે કર્મચારીઓ પર ગોળીબાર કર્યો હતો. જેમાં એકને ઇજા પહોંચતા સોલા સિવિલ હોસ્પિટલમાં સારવાર અર્થે ખસેડવામાં આવ્યો હતો. આ ઘટનાની જાણ થતાં જ ઉચ્ચ પોલીસ અધિકારીઓ ઘટના સ્થળે દોડી ગયા હતા.

આ બનાવ અંગે જાણવા મળ્યા અનુસાર એક રહેવાસી વિસ્તારમાંથી આંગડિયા પેઢીના કર્મચારી પોતાનું એક્ટિવા લઇને 75 લાખ રૂપિયા સાથે પેઢી પર જઇ રહ્યાં હતા, ત્યારે અચનાક બે લૂંટારાઓએ તેમના પર ગોળીબાર કરવાનું શરૂ કરી દીધું અને તેમની પાસે રહેલા 75 લાખ રૂપિયા લઇને ફરાર થઇ ગયા હતા. આ ઘટનાની જાળ થતા સોલા પોલીસ ઘટના સ્થળે પહોંચી ગઇ હતી.

જાણવા મળ્યા અનુસાર લૂંટની આ સમગ્ર ઘટના ચાંદલોડિયા ખાતે આવેલા સોપાન શરણ ફ્લેટના ગેટ પાસે જ બની હતી અને સીસીટીવી ફૂટેજમાં કેદ થઇ ગઇ હતી. ઘટના સવારે 10.06 વાગ્યાની આસપાસ બની હતી, જેમાં બે શખ્સો સ્પષ્ટ પણે જોઇ શકાય છે, બે બાઇક પર પાંચ લૂંટારાઓ આવ્યા હતા, જેમાંથી બેએ હેલમેટ પહેરી રાખ્યા હતા. લૂંટારાઓએ પેઢીના કર્મચારીઓ પર ગોળીબાર કર્યો હતો અને પૈસા ભરેલી બેગ લઇ ફરાર થઇ ગયા હતા. પોલીસ લૂંટારાઓને પકડવાની તજવીજ હાથ ધરી છે

English summary

firing and 75 lacs looted in ahmedabad