મુખ્યમંત્રી ભૂપેન્દ્ર પટેલની ઉપસ્થિતિમાં 1 હજાર કરોડથી વધુના રોકાણ માટે 4 MOU કરાયા
ગુજરાતમાં આવતા વર્ષની શરૂઆતમાં યોજાવા જઈ રહેલા વાઈબ્રન્ટ ગુજરાત સમિટ પહેલા જ રોકાણ આવવાનું શરૂ થઈ ગયુ છે. વાયબ્રન્ટ ગુજરાત ગ્લોબલ સમિટ-2024 પહેલા જ MOU ટેક્ષટાઇલ સેક્ટર, ઇન્ડસ્ટ્રીયલ પાર્ક, પેકેજીંગ ઉદ્યોગમાં 1 હજાર કરોડના રોકાણ માટે 4 MOU કરાયા છે.
ગુજરાતમાં ઉદ્યોગોમાં રોકાણથી રોજગારીની તકો વધે તે માટે સતત પ્રયાસ કરવામાં આવી રહ્યા છે ત્યારે આ એમઓયુથી ઉદ્યોગ સ્થપાતાં 10 હજારથી વધુ રોજગારની તકો ઉપલ્બધ થશે.
એક એમઓયુ અંતર્ગત અમદાવાદ જિલ્લાના કેરાલા GIDCમાં કંપોઝિટ ટેક્ષટાઇલ યુનિટ કાર્યરત થશે. આમાં એલ.બી.ટેક્ષ પ્રાઇવેટ લિમિટેડ દ્વારા 450 કરોડનું રોકાણ કરાશે. આ સિવાય માંડલ તાલુકાના માનપુરામાં 155 હેક્ટર વિસ્તારમાં ઇન્ડસ્ટ્રીયલ પાર્કની સ્થાપ્ના કરવામાં આવશે.
આ ચાર એમયુ અંતર્ગત એક એમઓયુ મેસ્કોટ સાઉથ એશિયા એલ.એલ.પી સાથે થયા છે. તે 288.75 કરોડનું રોકણ કરશે. નવસારીના વેસ્મા અને કાળાકાછા ખાતે ઔદ્યોગિક પાર્ક સ્થપાશે.
સરકાર સતત ઉદ્યોગોને યોગ્ય માહોલ આપવાનો પ્રયાસ કરી રહ્યા છે ત્યારે આંતર માળખાકીય સુવિધાઓ વિકસાવવા સરકાર 99.12 કરોડનું રોકાણ કરશે. અમદાવાદના ગાંગડ ખાતે બોટલના રિસાયક્લિંગ પ્રોજેક્ટ સ્થપાશે. આ સિવાય FIBC જમ્બો બેગના ઉત્પાદન માટે 161.78 કરોડનું રોકાણ આવ્યુ છે.
Click it and Unblock the Notifications
Sign in with Google
