મોરબી સહિત ત્રણ નવા જિલ્લા બનવવા કેબિનેટનો નિર્ણય

ગાંધીનગર, 04 ઑક્ટોબરઃ મોરબી, દ્વારકા અને મહિસાગરને નવા જિલ્લા બનાવવાનો નિર્ણય લેવામાં આવ્યો છે. આ નિર્ણય મુખ્યમંત્રી નરેન્દ્ર મોદીના અધ્યક્ષસ્થાને મળેલી કેબિનેટની બેઠકમાં લેવામાં આવ્યો છે. ત્રણ જિલ્લા ઉપરાંત અન્ય ચાર નવા તાલુકા બનાવવાનો નિર્ણય પણ આ બેઠકમાં લેવામાં આવ્યો છે. જે 26 જાન્યુઆરી 2013થી અમલી બનશે.

મોદી દ્વારા જે નવા જિલ્લાઓની જાહેરાત કરવામાં આવી છે. તે રાજકોટમાંથી મોરબી, ખેડામાંથી મહિસાગર અને જામનગરમાંથી દ્વારકાનું વિભાજન કરવામાં આવ્યું છે. આ તમામ જિલ્લા અને તાલુકાઓ 26 જાન્યુઆરીથી કાર્યરત થાય તે અંગેની કાર્યવાહી મુખ્યસચિવના અધ્યક્ષપદ હેઠળની સમિતિ દ્વારા પૂર્ણ કરવામાં આવશે.

નોંધનીય છે કે, મોદી અગાઉ પણ ચાર નવા જિલ્લા અને 16 નવા તાલુકાઓની જાહેરાત કરી ચુક્યા છે.

English summary

Narendra Modi and his cabinet declared four new district. Declared new district is Morbi, Dwarka and Mahisagar. this will be implemented from 26 january 2013.