Gandhinagar Demolition : ગાંધીનગરમાં મેગા ડિમોલેશન, 700 ગેરકાયદે બાંધકામો હટાવાયા

Gandhinagar Demolition : ગાંધીનગરમાં સવારથી જિલ્લા વહીવટી તંત્રએ સાબરમતી નદીના કિનારે સરકારી જમીન પરના ગેરકાયદે દબાણો હટાવવા માટે મોટા પાયે ડિમોલિશન ડ્રાઈવ શરૂ કરી છે.

જીઈબી, જિયાબી, પેથાપુર અને ચારેડી જેવા વિસ્તારોમાં 700થી વધુ ગેરકાયદેસર બાંધકામો પોલીસના ચુસ્ત બંદોબસ્ત વચ્ચે દૂર કરવામાં આવી રહ્યા છે.

ગાંધીનગર એસપી રવિ તેજા વામશેટ્ટીએ મીડિયાને જણાવ્યુ કે, આ ડ્રાઈવનો ઉદ્દેશ એક લાખ ચોરસ મીટર સરકારી જમીનને દબાણમુક્ત કરવાનો છે. અત્યાર સુધીમાં 100 બાંધકામો તોડી પાડવામાં આવ્યા છે અને વધુ 600 બાંધકામો દૂર કરવાની કાર્યવાહી ચાલી રહી છે.

દબાણમુક્ત કરાયેલી આ જમીનની કિંમત આશરે 1,000 કરોડ રૂપિયા છે. આ ઑપરેશન માટે 700થી વધુ પોલીસ જવાનો, 20 વહીવટી ટીમો અને 20 જેસીબી મશીનો તૈનાત કરવામાં આવ્યા છે.

જણાવી દઈએ કે, અમદાવાદમાં પણ આ વર્ષે બે તબક્કામાં આવી જ ડિમોલિશન ડ્રાઈવ હાથ ધરવામાં આવી હતી, જેમાં 4 લાખ ચોરસ મીટરથી વધુ જમીન દબાણમુક્ત કરવામાં આવી હતી.

રાજકોટમાં પણ તાજેતરમાં પોલીસે માથાભારે ગુનેગારો સાથે સંકળાયેલા 60 ગેરકાયદે બાંધકામો તોડી પાડ્યા હતા.

English summary

Gandhinagar Mega Demolition: 700 Illegal Structures Removed on Sabarmati Riverbank