સરકારી કર્મચારીઓ માણશે મોટું મિનિ વેકેશન

ગાંધીનગર, 9 નવેમ્બર : ગુજરાતના સરકારી કર્મચારીઓને આ દિવાળીમાં મોટું મીની વેકેશન મળવાનું છે. સપ્તાહમાં વચલા દિવસોમાં આવતી દિવાળી, બેસતું વર્ષ અને ભાઇ બીજની રજાને ધ્યાનમાં રાખીને ગુજરાત સરકારે 12 નવેમ્બર, 2012 સોમવારે રજા જાહેર કરી છે. આ કારણે રજાનું એડજેસ્ટમેન્ટ કરીને કર્મચારીઓ પાંચ છ નહીં પૂરા નવ દિવસનું લાંબું મીની વેકેશન માણી શકશે.

ગુજરાત સરકારે 12 નવેમ્બરની રજા જાહેર કરતા કર્મચારીઓને 10 અને 11 નવેમ્બરની બીજા શનિવાર અને રવિવારની રજા સાથે સોમવારની રજા પણ મળશે. મંગળવાર, બુધવાર અને ગુરુવારે અનુક્રમે દિવાળી, બેસતું વર્ષ અને ભાઇ બીજની રજા છે. બાકી રહેલા શુક્રવાર અને શનિવારની રજા મુકીને કર્મચારીઓ રવિવાર સુધી એટલે કે પૂરા નવ દિવસની રજાનો લાભ મેળવી સોમવાર, 19 નવેમ્બર, 2012ના રોજ ફરજ પર હાજર રહી શકે છે.

આ અંગે વાત કરતા કેટલાક કર્મચારીઓએ જણાવ્યું કે "લાંબું વેકેશન મળી રહ્યું હોવાથી તહેવારની તૈયારી અને ઉજવણી કરવાની ખૂબ મજા આવશે. સાથે અન્ય કામ કાજ પૂરા કરવાની મોકળાશ છે અને જેને પણ ફરવા જવું હોય તે આરામથી ટ્રિપની મજા માણી શકે એવું આ વેકેશન છે."

English summary

Government employees to get big mini vacation this Diwali.