મહિનાના અંત સુધીમાં જાહેર થશે GSHSEB બોર્ડની પરીક્ષાનું પરિણામ
GSHSEB board exam result : ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSHSEB) એ ધોરણ 10 અને ધોરણ 12 બંને બોર્ડની પરીક્ષાઓની ઉત્તરવહીઓનું મૂલ્યાંકન પૂર્ણ કરી લીધું છે, અને આ મહિનાના અંત સુધીમાં પરિણામ જાહેર કરે તેવી શક્યતા છે.
એવું માનવામાં આવે છે કે, પરિણામો માટેની ડેટા એન્ટ્રી તેના અંતિમ તબક્કામાં છે અને એકવાર પૂર્ણ થયા બાદ બોર્ડ એપ્રિલના અંત સુધીમાં સામાન્ય કરતાં વહેલું પરિણામ જાહેર કરશે.
આ વખતે બોર્ડ દ્વારા પરીક્ષાઓ પૂરી થયા પછી તરત જ ઉત્તરવહીઓની ચકાસણી શરૂ કરવામાં આવી હતી. સામાન્ય 60 ડેટા એન્ટ્રી ઓપરેટરોને બદલે બોર્ડે પરિણામની પ્રક્રિયા ઝડપી બનાવવા માટે આ વખતે 500 ઓપરેટરોને એકત્ર કર્યા છે.
ધોરણ 10 અને 12ની બોર્ડની પરીક્ષા 11 માર્ચથી 26 માર્ચ દરમિયાન લેવામાં આવી હતી, જેમાં આ વર્ષે રાજ્યમાં કુલ 15.38 લાખ વિદ્યાર્થીઓ પરીક્ષા આપી રહ્યા હતા. જેમાં ધોરણ 10ના 9.17 લાખ વિદ્યાર્થીઓ, 1.32 લાખ ધોરણ 12 વિજ્ઞાન પ્રવાહના વિદ્યાર્થીઓ અને 4.89 લાખ ધોરણ 12 સામાન્ય પ્રવાહના વિદ્યાર્થીઓનો સમાવેશ થાય છે.
Click it and Unblock the Notifications
Sign in with Google
