Gujarat Assembly Election 2022 : વોટ આપવા લગ્નનો સમય બદલ્યો, સવારને બદલે સાંજે કરશે લગ્ન
Gujarat Assembly Election 2022: ગુજરાતની ચૂંટણીમાં મતદાનનો ઉત્સાહ છાપરે ચડીને પોંકારી રહ્યો છે. આજે ગુજરાતમાં પ્રથમ ચરણમાં મતદાન થઇ રહ્યું છે.
Gujarat Assembly Election 2022: ગુજરાતની ચૂંટણીમાં મતદાનનો ઉત્સાહ છાપરે ચડીને પોંકારી રહ્યો છે. આજે ગુજરાતમાં પ્રથમ ચરણમાં મતદાન થઇ રહ્યું છે. જેમાં કેન્દ્ર અને રાજ્ય સરકારના મંત્રીઓથી લઇને સેલિબ્રિટી તેમજ સામાન્ય લોકો પણ મતદાનના પર્વમાં મતદાન કરીને લઈ રહ્યા છે. આ વચ્ચે તાપીના એક મતદાન મથક પર અનોખા દ્રશ્યો જોવા મળ્યા હતા.
મતદાનને મહત્વ આપી મતદાન કરવા પહોંચ્યો વરરાજો
તાપીના એક મતદાન મથક પર એક વ્યક્તિ લગ્નની શેરવાની પહેરીને મતદાન કરવા પહોંચ્યો હતો. આવા અનેક દ્રશ્યો અગાઉ ચૂંટણી દરમિયાન જોવા મળ્યા છે, પરંતુ આ યુવક પોતાની જાન લઇને મતદાનને મહત્વ આપી મતદાન કરવા આવ્યો હતો.
સવારે થવાના હતા લગ્ન
પ્રફુલભાઈ મોરેના લગ્ન આજે સવારે થવાના હતા, પણ તેમને તાપીમાં મતદાન કરવા માટે લગ્નનો સમય બદલ્યો હતો. પ્રફુલભાઈ મોરે જણાવે કે, હું દરેકને મત આપવા વિનંતી કરું છું, તમારે તમારો કિંમતી મત વેડફવો ન જોઈએ. મારા લગ્ન સવારે નક્કી કરવામાં આવ્યા હતા, પરંતુ મેં લગ્ન સાંજ સુધી પોસ્ટપોન્ડ કર્યાં હતા. મારે મારા લગ્ન માટે હવે મહારાષ્ટ્ર જવાનું છે.
પ્રફુલ્લના લગ્ન મહારાષ્ટ્રમાં થવાના છે
મતદાન માટે આટલી ઉત્સુકતા દર્શાવનારા વ્યક્તિનું નામ પ્રફુલ્લભાઈ મોરે છે. તેમના લગ્નનો સમય નક્કી હોવા છતાં તેઓ મતદાન કરવામતદાન મથક પર પહોંચ્યા હતા. ચોંકાવનારી વાત એ છે કે, પ્રફુલ્લના લગ્ન મહારાષ્ટ્રમાં થવાના છે.