મતદાન પછી હાર્દિકની માંએ કહ્યું : દિકરા માટે લાગે છે ડર

ગુજરાત વિધાનસભાની ચૂંટણીના બીજા તબક્કા માટે વિરમગામથી હાર્દિક પટેલના માતા-પિતાએ મતદાન કર્યું હતું. તે પછી તેના માતા-પિતાએ મીડિયાને શું કહ્યું જાણો અહીં.

ગુરુવારે, ગુજરાતમાં ગુજરાત વિધાનસભાની ચૂંટણીના બીજા તબક્કાના મતદાનમાં વિરમગામથી હાર્દિક પટેલના માતા પિતાએ મતદાન કર્યું હતું. હાર્દિકના માતા-પિતા ભરત પટેલ અને માં ઉષા પટેલ મતદાન પહેલા ઘરે જ ભગવાનની પ્રાર્થના અને પૂજા કરી હતી. અને પછી વોટ આપવા માટે મતદાનકેન્દ્ર પહોંચ્યા હતા. અહીં મત આપ્યા પછી હાર્દિક પટેલની માતા ઉષા પટેલે મીડિયા સાથે વાતચીત કરી હતી. તેમણે કહ્યું હતું કે મને મારા પુત્રને લઇને ચિંતા છે મને તેને લઇને ડર લાગે છચે. કારણ કે તે એક બહુ જ મોટા આંદોલનનું નેતૃત્વ કરી રહ્યો છે. ત્યાં જ હાર્દિક પટેલના પિતા ભરત પટેલે કહ્યું કે તે તેમના પુત્રને લઇને આશ્વસ્ત છે. તેમણે કહ્યું કે તમામ પાટીદારો અમારી સાથે છે અને હાર્દિકનું સમર્થન કરી રહ્યા છે. સાથે જ લોકો તે વાતથી પણ સહમત છે કે હવે પરિવર્તન લાવવાની જરૂર છે. અહીં તમને જણાવી દઇએ કે ગુજરાતમાં અંદાજે 12 ટકા વસ્તી પાટીદાર છે. ગુજરાતમાં કોઇ પણ પાર્ટીની સરકાર બને આ સમુદાયના વોટ મહત્વના સાબિત થઇ શકે છે.

નોંધનીય છે કે છેલ્લા ત્રણ મહિનામાં હાર્દિક પટેલ પણ એક સક્ષમ યુવા નેતા તરીકે પોતાની ઓળખ ઊભી કરી શક્યા છે. મોટી સંખ્યામાં લોકો તેમના ભાષણ અને રોડ શોમાં જોડાય છે. સમાજનું તેમને સમર્થન છે. અને તેમણે કોંગ્રેસની બી ટીમની જેમ છેલ્લા કેટલાક સપ્તાહમાં કામ કરીને ભાજપની ચિંતા વધારી દીધી છે. જો કે આમ કરવામાં તેમણે તેમના નજીકના અનેક મિત્રોને પણ ગુમાવ્યા છે. અને પાટીદાર આંદોલનમાં દિનેશ બાંભણીયાના ગયા પછી થોડાક એકલા પણ પડ્યા છે. ત્યારે તેમની માતાએ આ અંગે માં તરીકે ચિંતા વ્યક્ત કરી હતી.

English summary

Gujarat election 2017: hardik patel mother says she feel scared for her son