PM મોદીનો સૂટ ખરીદનારના જીજાને મળી BJPની ટિકિટ

પીએમ મોદીનો મોનોગ્રામવાળો સૂટ ખરીદનાર લાલજી પટેલના જીજાજીને મળી ભાજપની ટિકિટવિધાનસભા ચૂંટણી નજીક આવતાં રાજકારણમાં ગરમાવોઆ અંગે વધુ વાંચો અહીં...

રાજ્યની વિધાનસભા ચૂંટણીનું કાઉન્ટડાઉ શરૂ થઇ ગયું છે અને આ સાથે જ રાજકીય પક્ષો વચ્ચે આરોપ-પ્રત્યારોપ પણ ખૂબ વધી ગયા છે. ભાજપ અને કોંગ્રેસ સામ-સામે આરોપ કરવાનો એક પણ તક ચૂકતા નથી. ભાજપ દ્વારા અત્યાર સુધીમાં ઉમેદવારોની ત્રણ યાદી જાહેર કરવામાં આવી છે. આમાંથી ત્રીજી યાદીમાં ભાજપે સુરત પૂર્વથી કાંતિભાઇ બલ્લાર(પટેલ)ને ટિકિટ ફાળવી છે. કાંતિભાઇ બલ્લાર સુરતના હીરાના વેપારી લાલજી પટેલના જીજાજી છે. આ એ જ વેપારી છે, જેમણે વડાપ્રધાન નરેન્દ્ર મોદીના મોનોગ્રામવાળો સૂટ ખરીદ્યો હતો. આથી આરોપ લગાવવામાં આવી રહ્યો છે કે, લાલજી પટેલ અને પીએમ મોદીના સારા સંબંધોનો ફાયદો કાંતિભાઇ બલ્લારને મળ્યો છે.

ભાજપ તરફથી બે વાર ધારાસભ્ય બની ચૂકેલ અજય ચોક્સીના સ્થાને કાંતિભાઇને ટિકિટ આપવામાં આવી છે. કાંતિભાઇ કન્સ્ટ્રક્શનનો બિઝનેસ કરે છે. સુરતના વરાછા વોર્ડ નંબર 6થી તેઓ વર્ષ 2010માં મહાનગરપાલિકાની ચૂંટણી પણ જીતી ચૂક્યાં છે. આ વિસ્તારમાં તેમનું સારું વર્ચસ્વ માનવામાં આવે છે. કાંતિભાઇને ટિકિટ આપવાનું બીજું કારણ પાટીદાર આંદોલન પણ માનવામાં આવી રહ્યું છે. પાટીદાર અનામત આંદોલન અને હાર્દિક પટેલને કારણે રાજ્યમાં ભાજપને અનેક મુશ્કેલીઓ વેઠવાનો વારો આવ્યો છે. પટેલ મતદારોને પોતાની તરફ ખેંચવા માટે ભાજપે કાંતિભાઇને ટિકિટ આપી હોવાનું કહેવાઇ રહ્યું છે.

English summary

Gujarat election 2017: modi suit buyer relative got bjp ticket.