ગુજરાત સરકારની કર્મચારીઓને દિવાળી ગિફ્ટ, આપશે 10,000 રૂપિયા ફેસ્ટીવલ એડવાન્સ

ગુજરાત સરકાર દ્વારા રાજ્યના સરકારી કર્મચારીઓને દિવાળી ગિફ્ટ આપવામાં આવી છે.

ગાંધીનગરઃ ગુજરાત સરકાર દ્વારા રાજ્યના સરકારી કર્મચારીઓને દિવાળી ગિફ્ટ આપવામાં આવી છે. રાજ્યના 5 લાખથી વધુ કર્મચારીઓને આનો લાભ મળશે. રાજ્ય સરકારે દિવાળી ગિફ્ટ તરીકે 10 હજાર રૂપિયા ફેસ્ટીવલ એડવાન્સ તરીકે આપ્યા છે જેનુ કોઈ વ્યાજ લેવામાં નહિ આવે પરંતુ તેને આગામી 10 મહિનામાં 10 હપ્તામાં ચૂકવવાનુ રહેશે. રાજ્ય સરકાર દ્વારા બજારને તેજી આપવા અને નાના વેપારીઓની રોજગારીને વેગ આપવા માટે આ દિવાળી બોનસ આપવામાં આવ્યુ છે.

રાજ્ય સરકાર દ્વારા આ રકમ ડિજિટલ ટ્રાન્ઝેક્શનને પ્રોત્સાહન આપવા માટે રૂપે કાર્ડ સ્વરૂપે અપાશે જેથી સરકારી કર્મચારીઓ દિવાળી નિમિત્તે ચીજવસ્તુઓની ખરીદી કરી શકશે. આ રકમ વગર વ્યાજે 10 સરખા ભાગે 10 હપ્તામાં ચૂકવવાની રહેશે. દિવાળીની ભેટ આપવા માટે સરકારનો હેતુ લોકોને ખરીદી કરવા માટે પ્રોત્સાહિત કરવાનો અને નાના વેપારીઓને મંદીમાંથી બહાર લાવવાનો છે.

English summary

Gujarat government will give 10,000 rupees diwali advance to government employees