Gujarat Rain: ગુજરાતમાં અતિ ભારે વરસાદ, બચાવકાર્ય માટે આર્મીની મદદ, 3ના મોત, હજારોનુ સ્થળાંતર, 636 રસ્તા બંધ
Gujarat Rain: સમગ્ર ગુજરાતમાં અતિ ભારે વરસાદને પગલે રેડ એલર્ટ જાહેર કરવામાં આવ્યું છે. 215 તાલુકામાં મેઘ તાંડવ યથાવત છે. છેલ્લા 2 દિવસથી વરસી રહેલા વરસાદને કારણે રાજ્યમાં 636 રસ્તાઓ બંધ કરવામાં આવ્યા છે. હાલમાં આર્મીની પણ મદદ લેવામાં આવી રહી છે.
ગુજરાતમાં ભારે વરસાદના બચાવકાર્યમાં આર્મીની મદદ લેવાઈ રહી છે. જેમાં આર્મીની પાંચ કોલમની મદદ લેવાશે. અલગ-અલગ ઝોન આર્મીની ટીમો રાખવામાં આવશે. પ્રભારી સચિવોને પોતાના જિલ્લાઓમાં જવા સૂચના આપવામાં આવી છે.
આજે સાંજે મુખ્યમંત્રીની અધ્યક્ષતામાં સમીક્ષા બેઠક મળશે. મુખ્યમંત્રી ભુપેન્દ્ર પટેલ કેન્દ્રીય એજન્સીઓ અને રાજ્ય સરકારની એજન્સીઓ સાથેની બેઠક કરશે. જેમાં, NDRF, ARMY, નેવી- એરફોર્સના અધિકારીઓ પણ હાજર રહેશે.
ગુજરાતમાં ભારે વરસાદની આપત્તિમાં રાહત-બચાવ તેમજ આપત્તિ વ્યવસ્થાપન માટે કેન્દ્ર સરકારે રાજ્યમાં આર્મીની ૬ કોલમ ફાળવી છે. આ આર્મી કોલમ વરસાદથી વધુ પ્રભાવિત એવા દેવભૂમિ દ્વારકા, આણંદ, વડોદરા, ખેડા, મોરબી અને રાજકોટના જિલ્લા વહીવટી તંત્રને મદદરૂપ થવા ડિપ્લોય કરવામાં આવી.
વલસાડ અને નવસારી જિલ્લામાં સપ્તાહના અંતમાં દક્ષિણ ગુજરાતના જિલ્લામાં ભારે વરસાદ પડતાં સેંકડો લોકોને સલામત સ્થળે ખસેડવામાં આવ્યા હતા. સ્ટેટ ઇમરજન્સી ઓપરેશન સેન્ટરના ડેટા મુજબ, નવસારી જિલ્લાના ખેરગામ તાલુકામાં સોમવારે સવારે 6 વાગ્યે પૂરા થતા છેલ્લા 24 કલાકમાં સૌથી વધુ 356 મીમી વરસાદ નોંધાયો હતો.
ગુજરાતના મુખ્ય પ્રધાન ભૂપેન્દ્ર પટેલે અધિકારીઓને નીચાણવાળા વિસ્તારોમાંથી રહેવાસીઓને સુરક્ષિત સ્થળોએ ખસેડવા સૂચના આપી છે. તેમની ઓફિસે જણાવ્યું હતું કે ભારે વરસાદથી સૌથી વધુ અસરગ્રસ્ત જિલ્લાઓમાં દક્ષિણ ગુજરાતમાં વલસાડ, તાપી, નવસારી, સુરત, નર્મદા અને પંચમહાલનો સમાવેશ થાય છે.
ગુજરાતના દરિયાકાંઠે પણ માછીમારોને સાવચેત રહેવાની ચેતવણી સાથે વિકટ પરિસ્થિતિની અપેક્ષા છે. સમાચાર એજન્સી પીટીઆઈએ અહેવાલ આપ્યો છે કે આઈએમડીએ ભૂસ્ખલન, પૂર અને બાગાયતી પાકોને નુકસાન થવાની ચેતવણી આપી છે.
ભારે વરસાદના કારણે 34 સ્ટેટ હાઇવે બંધ કરવામાં આવ્યા છે. જેમાં ખેડા 6, આણંદ 2, કચ્છ 1, બરોડા 6, નર્મદા 1, પંચમહાલ 4, ભરૂચ 2, દાહોદ 2, સુરત 1, વલસાડ 1, રાજકોટ 1, મોરબી 4, સુરેન્દ્રનગર 3 સહિતના રસ્તાઓ બંધ કરવામાં આવ્યા છે. રાજ્યમાં અન્ય 44 માર્ગોમાં ખેડા 10, આણંદ 5, અવવલ્લી 3, ગાંધીનગર 1, કચ્છ 2, બરોડા 2, છોટા ઉદેપુર 1, પંચમહાલ 3, દાહોદ 5, નવસારી 1, વલસાડ 2, રાજકોટ 2 અને મોરબી 2 , સુરેન્દ્રનગર 5 બંધ કરવામાં આવ્યા છે.
વળી, પંચાયતના કુલ 557 માર્ગોમાં અમદાવાદ 1, ખેડા 31, આણંદ 5, સાબરકાંઠા 1, અરવલ્લી 12, બનાસકાંઠા 3, કચ્છ 22, બરોડા 37, છોટા ઉદેપુર 38, નર્મદા 9, પંચમહાલ 17, ભરૂચ 7, મહીસાગર 24, દાહોદ 46, સુરત 33, તાપી 65, નવસારી 62, વલસાડ 70, ડાંગ 5, રાજકોટ 17, મોરબી 10, જામનગર 11, દ્વારકા 1, સુરેન્દ્રનગર 16, ભાવનગર 3, અમરેલી 1, જૂનાગઢ 4, પોરબંદર 6 બંધ કરવામાં આવ્યા છે.
#WATCH | Gujarat: Several areas in Ahmedabad reel under severe waterlogging following heavy rainfall.
— ANI (@ANI) August 27, 2024
Visuals from Maninagar area in Ahmedabad. pic.twitter.com/M97KLbQgHW
Click it and Unblock the Notifications
Sign in with Google
