ગુજરાત અમૂલ્ય છે, તેને ક્યારેય ખરીદી ના શકાય: રાહુલ ગાંધી
રાહુલ ગાંધીએ ટ્વિટ કરી નરેન્દ્ર પટેલ મામલે કરી ટિપ્પણી. રાહુલ કહ્યું ગુજરાતને ક્યારેય ખરીદી ના શકાય. રાહુલ ગાંધી આજે ગુજરાતની મુલાકાતે છે ત્યારે વાંચો આ અંગે વધુ અહીં.
રાહુલ ગાંધીએ ભાજપ દ્વારા નરેન્દ્ર પટેલને એક કરોડમાં ખરીદવામાં આવ્યા છે તે આક્ષેપ પણ ટિપ્પણી કરી છે. ઉલ્લેખનીય છે કે આજે રાહુલ ગાંધી ગુજરાતની મુલાકાતે છે. જ્યાં તે ઠાકોર સેનાના અલ્પેશ ઠાકોરની રેલીમાં જોડાશે અને અધિકૃત રીતે અલ્પેશ ઠાકોરને કોંગ્રેસમાં જોડશે. ત્યારે આ પ્રસંગે રાહુલ ગાંધીએ ટિપ્પણી કરી હતી કે ગુજરાત અમૂલ્ય છે. તેને ક્યારેય ખરીદવામાં આવ્યું નથી. તેને ખરીદી શકાય પણ નહીં અને તમે તેને ક્યારેય ખરીદી નહી શકો. ઉલ્લેખનીય છે કે પાસ નેતા નરેન્દ્ર પટેલે રવિવારે જ ભાજપ દ્વારા તેમને 1 કરોડમાં ખરીદવામાં આવ્યા છે તેવો ઘટસ્ફોટ કર્યો છે. જે પછી રાહુલ ગાંધીની આ ટિપ્પણી આવી છે.
ઉલ્લેખનીય છે કે ગુજરાતમાં હાલ જોડાણ-ભંગાણ ચાલી રહ્યું છે. આ તમામની વચ્ચે રાહુલ ગાંધી પણ આજ ે તેમના ગુજરાત પ્રવાસ દરમિયાન અલ્પેશ ઠાકોર અને ઠાકોરેને કોંગ્રેસ તરફ ખેંચશે. સાથે જ તે આજે હાર્દિક પટેલને પણ મળશે તેવી સંભાવના રહેલી છે. વધુમાં ભાજપમાંથી આજે જ નીકળેલા પાટીદાર નેતા નિખિલ સાવની પણ રાહુલ ગાંધીને મળવાની ઇચ્છા વ્યક્ત કરી છે. આમ આવનારી ગુજરાત વિધાનસભાની ચૂંટણીમાં કોંગ્રેસને પાટીદારો તથા ઠાકોર અને ઓબીસી જ્ઞાતિના લોકોનું સમર્થન મળશે તેવી સંભાવના પ્રબળ છે. જે ભાજપની મુશ્કેલીઓ આવનારા સમયમાં વધારશે.