હવામાન: નર્મદા ડેમ અને ઉકાઈ ડેમમાંના 15 દરવાજા ખોલાયા, જાણો ડેમના જળસ્તરની સ્થિતિ

Gujarat Monsoon Update, હવામાન અપડેટ: : 25 ઓગસ્ટના રોજ સાંજે 5 કલાકે ઉકાઈ ડેમમાંથી તાપી નદીમાં આઉટફ્લો વધીને 1.94 લાખ ક્યુસેકથી વધુ થયો હતો. સરદાર સરોવર નર્મદા ડેમમાંથી નર્મદા નદીમાં આઉટફ્લો આ સમયે વધીને 2.31 લાખ ક્યુસેકથી વધુ થયો હતો.

જ્યારે ઉકાઈ ખાતે ઈનફ્લો 3.38 લાખ ક્યુસેક જ્યારે નર્મદા ડેમમાં ઈનફ્લો 3.15 લાખ ક્યુસેક હતો. ઉકાઈ અને સરદાર સરોવર નર્મદા નદીઓમાં ડાઉનસ્ટ્રીમમાં પાણી છોડવા માટે 15 દરવાજા ખોલવામાં આવ્યા છે.

ઉકાઈ ખાતે પાણીનું સ્તર 102.39 હતું, જે 1 સપ્ટેમ્બર સુધીના સમયગાળા માટે નિર્ધારિત 102.11 મીટર રૂલ લેવલ કરતા વધારે હતું. નર્મદા ડેમમાં પાણીની સપાટી 135.33 મીટર હતી.

દમણગંગા ડેમમાંથી આઉટફ્લો 92,000 ક્યુસેકથી વધુ હતો, જ્યારે ઇનફ્લો 58,000 ક્યુસેકથી વધુ હતો.

કડાણા ડેમ કે જે નર્મદા અને ઉકાઈ પછી ગુજરાતનો ત્રીજો સૌથી મોટો ડેમ છે, તેમાં તાજેતરમાં થોડો સારો પ્રવાહ હતો જે 18,000 ક્યુસેકથી વધુ હતો. કડાનામાં હાલમાં સ્ટોરેજ 55 ટકા કરતા ઓછો છે.

ઉલ્લેખનીય છે કે, કરજણ ડેમમાં ભારે ઇનફ્લો અને આઉટફ્લો ચાલુ રહ્યો છે, જે અનુક્રમે 67,000 ક્યુસેક અને 59,000 ક્યુસેકથી વધુ હતો.