ગુજરાત પ્રદેશ ભાજપના નવા સંગઠન માળખાની જાહેરાત

Published: Tuesday, April 30, 2013, 10:01 [IST]

અમદાવાદ, 30 એપ્રિલ : ગુજરાત પ્રદેશ ભારતીય જનતા પાર્ટીના પ્રદેશપ્રમુખ આર સી ફળદુએ સોમવારે 29 એપ્રિલ, 2013ના રોજ 18 પ્રદેશ પદાધિકારીઓ અને વિવિધ મોચરાના સાત પ્રદેશ પ્રમુખોના નામોની જાહેરાત કરી હતી. ભાજપના પ્રદેશ સંગઠિત આ નવા માળખામાં સાત પ્રદેશ ઉપપ્રમુખ, ચાર મહામંત્રી, પાંચ પ્રદેશમંત્રી, એક પ્રદેશ કોષાધ્‍યક્ષ તથા પ્રદેશ કાર્યાલયમંત્રીના નામની જાહેરાત કરવામાં આવી છે.

આ જાહેરાતમાં ચાર જૂના ઉપપ્રમુખોને યથાવત રાખી ત્રણ નવા ઉપપ્રમુખો લેવામાં આવ્‍યા છે જ્‍યારે ચાર મહામંત્રીઓને યથાવત રખાયા છે. તેની સામે પાંચેપાંચ નવા મંત્રીને લેવામાં આવ્‍યા છે જ્‍યારે પ્રદેશ કોષાધ્‍યક્ષ સુરેન્‍દ્ર પટેલ અને પ્રદેશ કાર્યાલયમંત્રી પરેશ પટેલને પણ યથાવત રાખવામાં આવ્‍યા છે. આ ઉપરાંત સાત જેટલા વિવિદ મોરચાના પ્રમુખો પૈકી માત્ર યુવા મોરચાના પ્રમુખ પ્રદિપસિંહ વાધેલાને જ શિફ્ટ કરવામાં આવ્‍યા છે. જ્‍યારે અન્‍ય છ મોરચાના પ્રમુખપદે નવા ચહેરાઓને સ્‍થાન આપવામાં આવ્‍યુ છે.

પ્રદેશ સંગઠનના સોમવારે જાહેર થયેલા માળખામાં હજુ પણ ત્રણ ઉપપ્રમુખ, એક મહામંત્રી તથા પાંચ મંત્રીઓની નિમણૂંક બાકી રાખવામાં આવી છે. જેમાં કોંગ્રેસને છોડીને ભાજપમાં આવેલા સંગઠનનો અનુભવ ધરાવતા કેટલાક શક્‍તિશાળી નેતાઓને સ્‍થાન અપાશે તેમ સૂત્રો જણાવી રહ્યા છે. ભાજપના પ્રદેશ સંગઠનના માળાખાની કરવામાં આવેલી જાહેરાતમાં નીચે મુજબના આગેવાનોનો સમાવેશ કરવામાં આવ્‍યો છે.

ક્રમ પદધિકારીનું નામ જવાબદારી

૧. મંગુભાઈ પટેલ(નવસારી)નવા પ્રદેશ ઉપપ્રમુખ

૨. કૌશિકભાઈ પટેલ(કર્ણાવતી)રિપીટ પ્રદેશ ઉપપ્રમુખ

૩. આઈકે જાડેજા(સુરેન્‍દ્રનગર) રિપીટ પ્રદેશ ઉપપ્રમુખ

૪. કાનજી ઠાકોર (કર્ણાવતી) રિપીટ પ્રદેશ ઉપપ્રમુખ

૫. શંભુનાથ ટુંડીયા(અમદાવાદ જી.)નવા પ્રદેશ ઉપપ્રમુખ

૬. રમીલાબેન બારા(સાબરકાંઠા) રિપીટ પ્રદેશ ઉપપ્રમુખ

૭. સંધ્‍યાબેન વ્‍યાસ(રાજકોટ શહેર) નવા પ્રદેશ ઉપપ્રમુખ

૮. ભીખૂભાઈ દલસાણીયા રીપીટ પ્રદેશ મહામંત્રી(સંગઠન)

૯. વિજયભાઈ રૂપાણી(રાજકોટ શહેર) રિપીટ પ્રદેશ મહામંત્રી

૧૦. ભરતસિંહ પરમાર (ભરૂચ)રિપીટ પ્રદેશ મહામંત્રી

૧૧. શંકરભાઈ ચૌધરી (પાટણ) રિપીટ પ્રદેશ મહામંત્રી