ગુજરાત સરકારે PUC સર્ટિફિકેટ ચાર્જમાં વધાર્યો કર્યો

ગુજરાત રાજ્ય વાહનવ્યવહાર વિભાગે હવે વાહનો માટેના PUC (પોલ્યુશન અન્ડર કંટ્રોલ) સર્ટિફિકેટ ફીમાાં વધારો કર્યો છે. રાજ્યભરના ૨,૦૦૦ PUC કેન્દ્રો, જેમાં અમદાવાદના ૨૫૦ કેન્દ્રોનો સમાવેશ થાય છે ત્યાં તાત્કાલિક અસરથી નવા દરો લાગુ પડશે.

આ ફી વધારો દ્વિચક્રીય વાહનથી લઈને કાર અને ભારે વાહનો સુધીના તમામ પ્રકારના વાહનોને લાગુ પડે છે અને કેન્દ્ર સંચાલકોને નિર્ધારિત દરથી વધુ રકમ વસૂલવા પર સખત પ્રતિબંધ ફરમાવવામાં આવ્યો છે.

અનેક વર્ષો બાદ આ દરોમાં ૫૦ થી ૬૭ ટકા સુધીનો વધારો થયો છે, જે હવે રાજ્યના વિવિધ કેન્દ્રો પર અમલમાં છે. છ મહિનાથી એક વર્ષ સુધી માન્ય રહેતા PUC પ્રમાણપત્રોની ઑનલાઇન નોંધણી ફરજિયાત છે અને તેને વાહન પોર્ટલ પર દૃશ્યમાન કરવા પડશે.

વાહન કેટેગરી મુજબના નવા PUC ભાવ

• દ્વિચક્રીય વાહન : ૫૦ (જૂનો ૩૦)
• ત્રિચક્રીય વાહન: ૬૦ (જૂનો ૫૦)
• કાર (CNG, LPG, પેટ્રોલ): ૧૩૦ (જૂનો ૮૦)
• ડીઝલ અને ભારે વાહન: ૧૫૦ (જૂનો ૧૦૦)

RTO દ્વારા અગાઉ તપાસ અને કાર્યવાહી કરવામાં આવી હોવા છતાં, સત્તાવાળાઓએ નોંધ્યું છે કે કેટલાક કેન્દ્રો હજુ પણ યોગ્ય વિગતો ઑનલાઇન દાખલ કર્યા વિના પ્રમાણપત્રો જારી કરી રહ્યા છે. વિભાગે ભારપૂર્વક જણાવ્યું છે કે તમામ PUC કેન્દ્રોએ જારી કરાયેલા દરેક પ્રમાણપત્રની સંપૂર્ણ વિગતો ફરજિયાતપણે ઑનલાઇન અપલોડ કરવી પડશે.

આ ભાવ વધારો PUC કેન્દ્ર માલિકો દ્વારા લાંબા સમયથી ઉચ્ચ દરોની માંગણી રજૂ કર્યા બાદ કરવામાં આવ્યો છે. વાહનવ્યવહાર વિભાગે વાહનોની યોગ્ય તપાસ થાય અને PUC સર્ટિફિકેટ સચોટ રીતે જારી થાય તે સુનિશ્ચિત કરવા માટે નિયમિત નિરીક્ષણની સૂચના પણ આપી છે.

English summary

The Gujarat Transport Department has raised PUC certificate fees across centres, expanding charges from two-wheelers to heavy vehicles. All centres must online upload certificate details and enforce new rates, with mandatory online registration and monitoring to ensure accuracy and compliance.