Gujarat Rain : ગુજરાતમાં વરસાદનો નવો રાઉન્ડ શરૂ, છેલ્લા 24 કલાકમાં 144 તાલુકામાં વરસાદ નોંધાયો
Gujarat Rain : ગુજરાતમાં વરસાદની નવી ઈનિંગ શરૂ થઈ ગઈ છે. હવામાન વિભાગની આગાહી અનુસાર ગુજરાતના મોટાભાગના જિલ્લાઓમાં વરસાદ જોવા મળી રહ્યો છે.
જણાવી દઈએ કે, 2 ઓગસ્ટ સવારે 10 વાગ્યાથી 3 ઓગસ્ટ સવારે 10 વાગ્યા સુધીમાં રાજ્યના 144 તાલુકાઓમાં વરસાદ નોંધાયો છે.
આંકડાઓ પર નજર કરીએ તો, ભરૂચ જિલ્લાના વાલિયા તાલુકામાં સૌથી વધુ વરસાદ નોંધાયો છે. અહીં 24 કલાકમાં 18 ઈંચ વરસાદ નોંધાયો છે. બીજી તરફ નેત્રંગ તાલુકામાં પણ 9 ઈંચ જેટલો વરસાદ રેકોર્ડ થયો છે.
અન્ય તાલુકાઓની વાત કરીએ તો, વલસાડમાં 3.78 ઈંચ અને વાપીમાં 2.95 ઈંચ વરસાદ, સુરતના પલસાણામાં 2.80 ઈંચ વરસાદ, કચ્છના રાપરમાં 2.56 ઈંચ,સુરતના માંગરોળમાં 2.44 ઈંચ વરસાદ, વલસાડના પારડીમાં 2.32 ઈંચ અને ખેરગામમાં 2.28 ઈંચ વરસાદ નોંધાયો છે.
અહીં તમને એ પણ જણાવી દઈએ કે, ભારે વરસાદને પગલે નવસારી અને ગણદેવી તાલુકામાં શાળાઓમાં રજા જાહેર કરી દેવાઈ છે. અહીં પૂર્ણા અને અંબિકા નદીમાં પૂરની સ્થિતી વચ્ચે લોકોને સાવધાન રહેવા અપીલ કરાઈ છે.
હવામાન વિભાગની આગાહી પર નજર કરીએ તો આવનારા દિવસોમાં ગુજરાતમાં ભારેથી અતિભારે વરસાદ જોવા મળી શકે છે. હવામાન વિભાગે 3 થી 9 સપ્ટેમબર સુધી ભારે વરસાદની આગાહી કરી છે.
Click it and Unblock the Notifications
Sign in with Google
