Gujarat Rain Forecast : ગુજરાતમાં હાલ વરસાદથી રાહત નહીં, જાણો હવામાન વિભાગની આગાહી

Gujarat Rain Forecast : હવામાન વિભાગે (IMD) એ ગુજરાતમાં આગામી 4 દિવસ માટે ભારેથી અતિભારે વરસાદની આગાહી કરી છે. ૧ ઓક્ટોબર પછી પણ ૪ ઓક્ટોબર સુધી હળવોથી મધ્યમ વરસાદ ચાલુ રહેવાની શક્યતા છે.

હવામાન વિભાગની આગાહી અનુસાર, ૩૦ સપ્ટેમ્બરના રોજ પોરબંદર, જૂનાગઢ, દ્વારકા, ગીર સોમનાથ અને દીવમાં ભારેથી અતિભારે વરસાદની શક્યતા સાથે ઓરેન્જ એલર્ટ જાહેર કરાયું છે.

સુરત, ડાંગ, નવસારી, વલસાડ, તાપી, દમણ, દાદરા અને નગર હવેલી, રાજકોટ, જામનગર, અમરેલી, ભાવનગર, મોરબી અને કચ્છ માટે યલો એલર્ટ છે અને રાજ્યભરમાં વીજળીના કડાકા સાથે ૩૦-૫૦ કિલોમીટર પ્રતિ કલાકની ઝડપે પવન ફૂંકાવાની ચેતવણી પણ આપવામાં આવી છે.

આ પછી ૧ ઓક્ટોબરે નવસારી, વલસાડ, દમણ, દાદરા અને નગર હવેલી, રાજકોટ, જામનગર, પોરબંદર, જૂનાગઢ, દ્વારકા, ગીર સોમનાથ, કચ્છ અને દીવ માટે ભારે વરસાદનું યલો એલર્ટ છે.

આ જિલ્લાઓ ઉપરાંત ભરૂચ, સુરત, ડાંગ, તાપી, સુરેન્દ્રનગર, અમરેલી, ભાવનગર, મોરબી અને બોટાદમાં પણ વીજળી સાથે વાવાઝોડાનું એલર્ટ પણ અપાયુ છે.

IMD એ જણાવ્યું છે કે ગુજરાત પર વરસાદી સિસ્ટમ સક્રિય હોવાથી નૈઋત્યના ચોમાસાની વિદાયની પ્રક્રિયા હાલમાં અટકી ગઈ છે. આગામી 7 દિવસ સુધી ચોમાસાની વિદાય માટે વાતાવરણ અનુકૂળ નથી.

English summary

Gujarat Rain Forecast: IMD Predicts Heavy Rainfall, Monsoon Retreat Delayed