Gujarat rain forecast : ગુજરાતમાં 2 ઓક્ટોબર સુધી વરસાદ અને વાવાઝોડાનો ખતરો
Gujarat rain forecast : રવિવારે ગુજરાતના 200થી વધુ તાલુકાઓમાં વરસાદ નોંધાયો છે. હજુ આવનારા દિવસોમાં પણ આ વરસાદી માહોલ યથાવત રહેવાનો છે.
હાલ વાદળો પશ્ચિમ તર સૌરાષ્ટ્રના દરિયાકિનારા અને અરબી સમુદ્ર તરફ આગળ વધી રહ્યાં છે. આમ છત્તા રાજ્યના મોટા ભાગના વિસ્તારોમાં વરસાદની શક્યતા છે.
આ કારણે ભારતીય હવામાન વિભાગ (IMD) દ્વારા આગામી 2 ઓક્ટોબર સુધી માટે રાજ્યમાં રેડ, ઓરેન્જ અને યલો એલર્ટ જાહેર કરવામાં આવ્યા છે.
IMD અનુસાર, આગામી ત્રણ દિવસ દરમિયાન ગુજરાતભરમાં 30-50 કિલોમીટર પ્રતિ કલાકની ઝડપે સપાટીના પવનો સાથે વીજળીના કડાકા-ભડાકા અને હળવાથી મધ્યમ વરસાદ સાથે હળવા વાવાઝોડાની શક્યતા છે.
વરસાદની આગાહીની વિગતો આપતા, IMD એ પોરબંદર, જૂનાગઢ, ગીર સોમનાથ અને દીવ માટે ભારેથી અતિભારે વરસાદનું રેડ એલર્ટ જાહેર કર્યું છે, જ્યારે રાજકોટ, અમરેલી અને દેવભૂમિ દ્વારકા માટે ઓરેન્જ એલર્ટ અપાયું છે.
આ સિવાય, ભરૂચ, સુરત, ડાંગ, નવસારી, વલસાડ, તાપી, દમણ, દાદરા અને નગર હવેલી, જામનગર, ભાવનગર અને કચ્છ માટે યલો એલર્ટ જારી કરાયું છે.
૧ ઓક્ટોબરે રાજકોટ, પોરબંદર, જૂનાગઢ, અમરેલી, દ્વારકા, ગીર સોમનાથ અને દીવ માટે ભારે વરસાદનું યલો એલર્ટ આપવામાં આવ્યું છે.
અંતે ૨ ઓક્ટોબરના રોજ રાજકોટ, જામનગર, પોરબંદર, જૂનાગઢ, દ્વારકા, ગીર સોમનાથ, કચ્છ અને દીવમાં છૂટાછવાયા સ્થળોએ ભારે વરસાદની શક્યતા સાથે યલો એલર્ટ જારી કરાયું છે.
Click it and Unblock the Notifications
Sign in with Google
