gujarat rain Forecast : શક્તિ વાવાઝોડું નબળું પડ્યું, જાણો ગુજરાતમાં વરસાદની કેટલી સંભાવના?

gujarat rain Forecast : ગુજરાતના હવામાનમાં પલટો આવવાની સંભાવના છે. પૂર્વમાં સક્રિય થયેલું શક્તિ વાવાઝોડું (Shakti Cyclone) હવે નબળું પડીને ડિપ્રેશનમાં પરિવર્તિત થઈ ગયું છે.

તેની અસર અને વેસ્ટર્ન ડિસ્ટર્બન્સ (Western Disturbance)ની હાજરીને કારણે ગુજરાતના ઘણા ભાગોમાં હજુ પણ વરસાદી માહોલ જોવા મળી શકે છે.

હવામાન વિભાગે આગામી 24 કલાક માટે સૌરાષ્ટ્ર અને દક્ષિણ ગુજરાતના જિલ્લાઓમાં હળવાથી મધ્યમ વરસાદ (Gujarat Rain Forecast)ની આગાહી કરી છે.

હવામાન વિભાગ દ્વારા અપાયેલી માહિતી મુજબ, ડિપ્રેશન અને વેસ્ટર્ન ડિસ્ટર્બન્સની અસરને કારણે સૌરાષ્ટ્રમાં દ્વારકા, પોરબંદર, જૂનાગઢ, ગીર સોમનાથ, અમરેલી અને ભાવનગરમાં છૂટાછવાયા ઝાપટાં કે હળવો વરસાદ પડી શકે છે.

આ સિવાય દક્ષિણ ગુજરાત અને સંઘ પ્રદેશ દમણ-દાદરાનગર હવેલી તેમજ દક્ષિણ ગુજરાતના ભરૂચ, નર્મદા, સુરત, તાપી, નવસારી, ડાંગ અને વલસાડમાં હળવા વરસાદની સંભાવના છે.

મધ્ય ગુજરાતના વિસ્તારોમાં પણ ભેજનું પ્રમાણ વધવાથી વાતાવરણ પલટાઈ શકે છે. વડોદરા અને છોટા ઉદેપુર જેવા જિલ્લાઓમાં પણ અમુક સ્થળો પર હળવા ઝાપટાં પડવાની શક્યતા છે.

હવામાન વિભાગે સ્પષ્ટ કર્યું છે કે રાજ્યના મોટાભાગના વિસ્તારોમાંથી ચોમાસું (Monsoon 2025) આગામી ત્રણથી ચાર દિવસમાં સંપૂર્ણપણે વિદાય લઈ લે તેવી સંભાવના છે. જો કે, ત્યાં સુધી સ્થાનિક સ્તરે છૂટાછવાયા વરસાદની ગતિવિધિઓ ચાલુ રહી શકે છે.

English summary

Gujarat Rain Forecast: Shakti Cyclone Weakens, Check Weather Update and Prediction