Gujarat Rain : ઔરંગા નદીમાં ફસાયેલા વ્યક્તિનું NDRF દ્વારા દિલધડક રેસ્ક્યુ, જુઓ વીડિયો

ગુજરાતમાં સાર્વત્રિક વરસાદ વચ્ચે દક્ષિણ ગુજરાતમાં ભારે વરસાદ જોવા મળી રહ્યો છે. સતત વરસાદના કારણે નદીઓના જળસ્તરમાં વધારો થયો છે.

વરસાદ વચ્ચે વલસાડની ઔરંગા નદીનો એક વીડિયો સામે આવ્યો છે. આ વીડિયોમાં એનડીઆરએફના જવાનો એક વ્યક્તિને રેસ્ક્યુ કરતા જોઈ શકાય છે.

સતત વરસાદને કારણે ઔરંગા નદીનું જળસ્તર ખતરાના નિશાનને વટાવી ગયું છે. છીપવાડ અને મોગરાવાડી અંડરપાસમાં પાણી ભરાતા તેને બંધ કરવાની ફરજ પડી છે.

વલસાડના ભાંગરાખુર્દ ગામ અને બંદર રોડ વિસ્તાર પાણી ભરાઈ જવાને કારણે સંપર્ક વિહોણા બન્યા છે. વલસાડના કાશ્મીર નગરમાં NDRF અને વલસાડ પ્રશાસનની ટીમ અસરગ્રસ્ત વિસ્તારોમાંથી લોકોને બહાર કાઢી રહી છે. અહીં 150 પરિવારોને સલામત સ્થળે ખસેડવામાં આવ્યા છે.

આ દરમિયાનનો એક વીડિયો સામે આવ્યો છે, જેમાં જોઈ શકાય છે કે NDRFની ટીમ ઔરંગા નદીના જોરદાર પ્રવાહ વચ્ચે ઝાડ પર ચડી ગયેલા વ્યક્તિને કેવી રીતે બચાવી રહી છે.

#WATCH | Gujarat: NDRF team rescued a person stuck in the Auranga river in the Khanjan Palia area of Valsad

(Source: NDRF) pic.twitter.com/IVDdzV2vZM

— ANI (@ANI) August 25, 2024

પાણીનો પ્રવાહ એટલો ઝડપી હતો કે વૃક્ષ ગમે ત્યારે ઉખડીને શકે તેમ હતું અને વ્યક્તિ પોતાનો જીવ બચાવવા માટે તેને પકડીને ફસાયો હતો. NDRFનું ધ્યાન વ્યક્તિ પર પડતા તેને સફળતાપૂર્વક બચાવી લેવામાં આવ્યો છે.

English summary

Gujarat Rain: Heartfelt rescue by NDRF of a person trapped in Auranga river, watch video