Gujarat Rain Update: આ જિલ્લાને અપાયું ઓરેન્જ એલર્ટ, IMDએ કરી ભારે વરસાદની આગાહી

Gujarat Rain Update: ભારે વરસાદથી એક દિવસની રાહત બાદ, ગુજરાતના કેટલાક ભાગોમાં આગામી 24 કલાક દરમિયાન ભારે વરસાદની સંભાવના છે.

ભારે વરસાદની અપેક્ષા સાથે ભારતીય હવામાન વિભાગ દ્વારા આગામી 24 કલાક માટે કેટલાક જિલ્લાઓ માટે ઓરેન્જ એલર્ટ જાહેર કરવામાં આવ્યું છે. IMD અનુસાર, આગામી 5 દિવસમાં 15મી જુલાઈ સુધી ગુજરાતના કેટલાક વિસ્તારોમાં ભારે વરસાદની સંભાવના છે.

ભારતીય હવામાન વિભાગના લેટેસ્ટ બુલેટિન મુજબ, નર્મદા, ભરૂચ, સુરત, નવસારી, વલસાડ, તાપી, રાજકોટ, પોરબંદર, જૂનાગઢ, અમરેલી, ભાવનગર, ગીર સોમનાથ, દમણ અને દાદરા નગર હવેલી સહિતના જિલ્લાઓ માટે ઓરેન્જ એલર્ટ જાહેર કરવામાં આવ્યું છે. કારણ કે, આ વિસ્તારોમાં આગામી 24 કલાકમાં ભારેથી અતિભારે વરસાદની શક્યતા છે.

આ દરમિયાન, અમદાવાદ, આણંદ, વડોદરા, છોટા ઉદેપુર, સુરેન્દ્રનગર, જામનગર, મોરબી, દ્વારકા, બોટાદ અને દીવમાં ભારે વરસાદની ચેતવણી સાથે યલો એલર્ટ આપવામાં આવ્યું છે. રાજ્યના બાકીના ભાગોમાં હળવો વરસાદ થવાની સંભાવના છે.

12 જુલાઈના રોજ, સુરત, ડાંગ, નવસારી, વલસાડ, તાપી અને દમણ અને દાદરા નગર હવેલી જેવા ગુજરાત પ્રદેશોમાં છૂટાછવાયા સ્થળોએ ભારે વરસાદની સંભાવના છે. આ સાથે અમરેલી અને ભાવનગર જેવા સૌરાષ્ટ્રના જિલ્લાઓમાં પણ ભારે વરસાદ થવાની છે.

13મી જુલાઈના રોજ, સુરત, નવસારી, વલસાડ અને દમણ અને દાદરા નગર હવેલી સહિતના ગુજરાતના વિસ્તારોમાં છૂટાછવાયા સ્થળોએ ભારે વરસાદની અપેક્ષા છે.

14મી જુલાઈના રોજ, ગુજરાત પ્રદેશોમાં નવસારી, વલસાડ અને દમણ અને દાદરા નગર હવેલીમાં છૂટાછવાયા સ્થળોએ ભારે વરસાદની શક્યતા છે.

15મી જુલાઈના રોજ, ગુજરાત પ્રદેશોમાં નવસારી, વલસાડ અને દમણ અને દાદરા નગર હવેલીમાં છૂટાછવાયા સ્થળોએ ભારે વરસાદની અપેક્ષા છે.

અત્રે ઉલ્લેખનીય બાબત છે કે, 15મી જુલાઈ સુધીના આગમી 5 દિવસ દરમિયાન રાજ્યના બાકીના ભાગોમાં હળવાથી મધ્યમ વરસાદ થાય તેવી શક્યતા છે.

English summary

Gujarat Rain Update: Orange alert given to many district, IMD predicts heavy rain