ગુજરાત રેરા ટ્રિબ્યુનલનું ઓનલાઇન પોર્ટલ લોન્ચ, હવે 17 સુવિધાઓ આંગળીના ટેરવે
કેન્દ્ર સરકારે રિયલ એસ્ટેટ સેક્ટરના નિયમન અને વિકાસ માટે તથા મકાન ધારણકર્તા એલોટીઝના હિત જાળવવા 2016માં ધ રિયલ એસ્ટેટ રેગ્યુલેશન એન્ડ ડેવલપમેન્ટ એક્ટ (RERA) અમલમાં મૂક્યો છે.
ગુજરાતમાં આ કાયદો 1 મે 2017થી અમલી થયો છે. તેની જોગવાઈઓ હેઠળ રાજ્યમાં ગુજરાત રિયલ એસ્ટેટ એપેલેટ ટ્રિબ્યુનલ (રેરા ટ્રિબ્યુનલ)ની સ્થાપના કરવામાં આવી છે.
15મી ફેબ્રુઆરીએ રેરા ટ્રિબ્યુનલનું નવુ ઓનલાઇન યુઝર-ફ્રેન્ડલી પોર્ટલ (great.gujarat.gov.in) લોન્ચ કરાયુ છે. આ પોર્ટલનો હેતુ રિયલ એસ્ટેટ ક્ષેત્રેની સેવાઓને વધુ સજ્જડ અને સરળ બનાવવાનો છે.
ટ્રિબ્યુનલના ચેરમેન નિવૃત્ત ચીફ જસ્ટિસ આર.એમ. છાયાની ઉપસ્થિતિમાં ગાંધીનગરમાં આ પોર્ટલનું લોન્ચિંગ કરવામાં આવ્યું, જેમાં મુખ્યમંત્રીશ્રીએ જણાવ્યું કે આ પોર્ટલ ડિજિટલ ટ્રાન્સફોર્મેશન તરફ એક મોટો પગથિયું છે, જે નાગરિકોને વધુ સુવિધા અને પારદર્શકતા આપશે.
આ પોર્ટલનો ઉદ્દેશ્ય છે કે નાગરિકો રેરા સંબંધિત તમામ કામગીરી ઘરબેઠા સરળતાથી કરી શકે. આ પોર્ટલમાં 17 પ્રકારની મુખ્ય સેવાઓ ઉપલબ્ધ છે.
- અપીલ ફાઇલિંગ અને નોંધણી
- ફી અને ડિપોઝિટની ઓનલાઈન ચુકવણી
- અપીલ પ્રોસેસિંગ માટે ઈમેલ અને SMS એલર્ટ્સ
- હદ-ગણતરી અને વિલંબ માફી માટેની અરજી
- સુનાવણી માટેની તારીખ નક્કી કરવા અને પક્ષકારોને નોટિફિકેશન
- દૈનિક કાર્યોની યાદી (Daily Cause List)
- ચુકાદાની તારીખ વિશે ઈમેલ અને SMS દ્વારા નોટિફિકેશન
- E-ફાઇલિંગ પ્લેટફોર્મ
- સુનાવણી માટે બંને પક્ષકારોને ઓનલાઈન સૂચનાઓ
- ચુકાદા/ઓર્ડર ઓનલાઈન જોવા માટેની સુવિધા
આ પોર્ટલ રેરા ટ્રિબ્યુનલની કામગીરીને ડિજિટલ માધ્યમમાં ફેરવશે. ટ્રિબ્યુનલ સંબંધિત તમામ ડેટા, એપ્લિકેશન્સ અને ચુકાદાઓ હવે ઓનલાઇન ઉપલબ્ધ હશે, જે નાગરિકોને સમય અને મહેનત બંને બચાવશે.
ગુજરાત રેરા ટ્રિબ્યુનલના આ ઓનલાઈન પોર્ટલથી નાગરિકો અને સંબંધિત પક્ષકારો માટે કામકાજ વધુ સરળ બનશે. ડિજિટલ માધ્યમના ઉપયોગથી, રાજ્ય સરકારે રિયલ એસ્ટેટ સેક્ટરમાં નાગરિકોના હિતને વધુ પ્રોત્સાહન આપ્યું છે.
Click it and Unblock the Notifications
Sign in with Google
