Gujarat Weather Alert : ગુજરાતમાં ગરમી અને માવઠાને લઈને અંબાલાલ પટેલની મોટી આગાહી
Gujarat Weather Alert : ગુજરાતમાં શિયાળાની વિદાય થઈ ગઈ છે અને ગરમીનું પ્રમાણ વધી રહ્યું છે. રાજ્યમાં આ વખતે માર્ચ મહિનાની શરૂઆતથી જ ગરમી વધવાનું શરૂ થઈ ગયુ છે.
આ સ્થિતીને જોતા એવુ કહેવામાં આવી રહ્યું છે કે ઉનાળો આ વખતે ભારે ગરમી લઈને આવશે. હવે ઉનાળા અને માવઠાને લઈને અંબાલાલ પટેલની મોટી આગાહી સામે આવી છે.
ગુજરાતના જાણીતા હવામાન નિષ્ણાંત અંબાલાલ પટેલે આગાહી કરી છે કે માર્ચ-એપ્રિલ મહિનામાં વેસ્ટર્ન ડિસ્ટર્બન્સની અસર રહેશે, જેના કારણે 8 થી 17 માર્ચ દરમિયાન ગુજરાતના ઘણા વિસ્તારોમાં વાદળછાયું વાતાવરણ જોવા મળશે.
આ સિવાય અરબ સાગરમાં સર્ક્યુલેશનની શક્યતા છે. 13 અને 14 માર્ચે અરબ સાગરમાં ભેજના કારણે સર્ક્યુલેશન બનશે, જે હવામાનમાં બદલાવ લાવી શકે છે.
આગાહી અનુસાર, 7 માર્ચ પછી રાજ્યમાં ગરમી વધી શકે છે. કચ્છમાં તાપમાન 40°C સુધી પહોંચી શકે છે, જ્યારે દક્ષિણ ગુજરાતમાં તાપમાન 41-42°C રહેવાની શક્યતા છે.
જો કે વચ્ચે વચ્ચે વેસ્ટર્ન ડિસ્ટર્બન્સ હટતા ગરમીમાં ઘટાડો જોવા મળશે. આ સિવાય અંબાલાલ પટેલે જણાવ્યુ છે કે આ વખતે ચોમાસું સારું રહેશે.
જણાવી દઈએ કે, દરવર્ષની સરખામણીમાં આ વખતે ઠંડીમાં પણ ઘટાડો જોવા મળ્યો છે. શિયાળો ટુંકો રહેતા તેની અસર ખેતી ઉત્પાદનો પર પડે છે. હવે જોવાનું એ રહે છે કે ઉનાળો કેવી રીતે આગળ વધે છે અને ચોમાસું કેવુ રહે છે.
Click it and Unblock the Notifications
Sign in with Google
