Gujarat Weather Alert : ગુજરાતમાં માવઠાની સંભાવના, વરસાદને લઈને અંબાલાલ પટેલની મોટી આગાહી
Gujarat Weather Alert : ગુજરાતના જાણીતા હવામાન નિષ્ણાત અંબાલાલ પટેલે ગુજરાતમાં કમોસમી વરસાદની આગાહી કરી છે. ગુજરાતમાં આગામી સમયમાં વાતાવરણમાં પલ્ટો જોવા મળી શકે છે.
અંબાલાલ પટેલના જણાવ્યા અનુસાર, 22 ફેબ્રુઆરીથી 26 ફેબ્રુઆરી વચ્ચે વાદળછાયું વાતાવરણ રહેશે. આ જીરા અને ઘઉં જેવા પાક પર અસર કરી શકે છે.
તેમણે માર્ચ મહિનામાં કમોસમી વરસાદની શક્યતા વ્યક્ત કરી છે અને આ સમયગાળામાં વાદળછાયું વાતાવરણ રહેવાની સંભાવના છે. અંબાલાલ પટેલના જણાવ્યા અનુસાર, પવનના જોરની અસર ખાસ કરીને પશ્ચિમ સૌરાષ્ટ્રના વિસ્તારોમાં દેખાશે.
17થી 19 ફેબ્રુઆરી વચ્ચે પવનની ગતિ 20 કિલોમીટર પ્રતિ કલાકથી વધુ રહી શકે છે. ઉત્તર અને પૂર્વ ગુજરાતમાં પણ પવનનું જોર વધે તેવી શક્યતા છે. કચ્છમાં પવનની ગતિ 22 કિલોમીટર પ્રતિ કલાક સુધી પહોંચે તેવી શક્યતા છે. આ પવન આંબાના પાક પર અસર કરશે.
માર્ચ મહિનામાં કમોસમી વરસાદ થવાની સંભાવના છે. નબળા વેસ્ટર્ન ડિસ્ટર્બન્સ એક પછી એક આવતા હોવાથી આ ચિંતાનો વિષય છે. આ પરિસ્થિતિ આગામી ચોમાસા પર પણ અસર કરે એવી શક્યતા છે.
હવામાન વિભાગ અનુસાર, ઉત્તરકાશી, ચમોલી, રુદ્રપ્રયાગ, બાગેશ્વર, પિથોરાગઢ અને દેહરાદૂનમાં શનિવારે વરસાદ પડવાની અને વાદળછાયું આકાશ રહેવાની સંભાવના છે.
આ સિવાય ઊંચાઈવાળા વિસ્તારોમાં હિમવર્ષા થવાની શક્યતા છે. હિમાચલ અને કાશ્મીરના કેટલાક વિસ્તારોમાં હળવો વરસાદ અને હિમવર્ષા થાય એવી સંભાવના છે.
Click it and Unblock the Notifications
Sign in with Google
