Gujarat Weather Alert : આ વખતનો ઉનાળો રેકોર્ડ તોડશે, હવામાન વિભાગની મોટી આગાહી
Gujarat Weather Alert : ગુજરાતમાં શિયાળાની વિદાય બાદ હવે ઉનાળાના આગમન સાથે ગરમીનું જોર વધી રહ્યું છે. વધતી ગરમી વચ્ચે હવામાન વિભાગની પરસેવો છોડાવતી આગાહી સામે આવી છે.
હવામાન વિભાગે આગાહી અનુસાર, આગામી 24 કલાક બાદ ગુજરાતમાં ગરમીનો પ્રકોપ વધુ તીવ્ર બનશે. ઉનાળાની શરૂઆત થઈ ચુકી છે અને આગામી દિવસોમાં ગરમી સ્પીડ પકડશે.
હવામાન વિભાગની આગાહી અનુસાર, આ દરમિયાન દરિયાકાંઠાના વિસ્તારોમાં પવનની ગતિમાં પણ વધારો થવાની શક્યતા છે. હવામાન વિભાગે માછીમારોને ચેતવ્યા છે.
હવામાન વિભાગે આગાહી કરી છે કે ઉત્તરથી પૂર્વ તરફ પવનની દિશામાં ફેરફાર થશે અને 45 થી 50 કિલોમીટર પ્રતિ કલાકની ઝડપે પવન ફૂંકાશે. આ પરિસ્થિતિને ધ્યાનમાં રાખીને માછીમારોને દરિયો ન ખેડવાની સૂચના આપવામાં આવી છે.
- હવામાન વિભાગના અનુમાન અનુસાર, માર્ચ, એપ્રિલ અને મે મહિનામાં તાપમાન નોંધપાત્ર રીતે વધશે.
- માર્ચ મહિનામાં ઉત્તર ભારતમાં મહત્તમ તાપમાન 43 ડિગ્રી સુધી પહોંચી શકે છે. આ પ્રકોપ 8 થી 12 દિવસ સુધી રહી શકે છે.
- એપ્રિલ મહિનામાં તાપમાન 46 ડિગ્રી સુધી પહોંચી શકે છે અને ગરમીની અસર 10 થી 12 દિવસ સુધી રહી શકે છે.
— IMD Ahmedbad (@IMDAHMEDABAD) March 5, 2025
મે મહિનામાં ઉનાળાની પરાકાષ્ઠા દેખાઈ શકે છે, જ્યાં મહત્તમ તાપમાન 49 ડિગ્રી સુધી જવાની શક્યતા છે. ગરમીનો પ્રભાવ 8 થી 12 દિવસ સુધી રહેવાનો અંદાજ છે.
આગામી દિવસોમાં ગરમીમાં નોંધપાત્ર વધારો થવાની શક્યતા હોવાને કારણે લોકોને સાવચેતી રાખવા અને તાપમાનથી બચવા માટે જરૂરી પગલાં ભરવા માટે હવામાન વિભાગે સલાહ આપી છે.
Click it and Unblock the Notifications
Sign in with Google
