Gujarat Weather Alert : 22-24 માર્ચ દરમિયાન દરિયાકાંઠાના વિસ્તારોમાં ગરમી સાથે બફારાની આગાહી
Gujarat Weather Alert : ભારતીય હવામાન વિભાગે 22 માર્ચથી 24 માર્ચ દરમિયાન ગુજરાતના દરિયાકાંઠાના વિસ્તારોમાં ગરમી અને ભેજવાળી પરિસ્થિતિ રહેશે તેવી આગાહી કરી છે.
આ સમયગાળામાં દક્ષિણ ગુજરાત અને સૌરાષ્ટ્ર-કચ્છના દરિયાકાંઠાના વિસ્તારોમાં ઉકળાટ અનુભવાય તેવી શક્યતા છે.
હવામાન વિભાગના અનુમાન મુજબ, આગામી બે દિવસ દરમિયાન તાપમાનમાં કોઈ મોટા ફેરફારની શક્યતા નથી. જો કે, ત્યારબાદ તાપમાનમાં 2-3 ડિગ્રીનો વધારો થવાની સંભાવના વ્યક્ત કરવામાં આવી છે. ખાસ કરીને 22 માર્ચથી 24 માર્ચ દરમિયાન ગરમી અને ભેજવાળી હવા ચાલુ રહેવાની આગાહી છે.
હવામાન વિભાગ મુજબ, આ વિસ્તારોમાં પશ્ચિમથી ઉત્તર-પશ્ચિમ દિશાના પવનો નીચલા સ્તરે પ્રવર્તશે, જે ગરમી અને ભેજવાળી પરિસ્થિતિનું કારણ બની શકે છે. આગામી 48 કલાક દરમિયાન મહત્તમ તાપમાનમાં કોઈ નોંધપાત્ર ફેરફાર થવાની શક્યતા નથી અને લઘુત્તમ તાપમાન પણ લગભગ યથાવત રહેશે.
આગામી દિવસોમાં વધતી ગરમીને ધ્યાનમાં રાખીને તજજ્ઞોએ લોકોને પૂરતા પાણી પીતાં રહેવા, તડકામાં ઓછા જવાની સલાહ આપી છે અને ખાસ કરીને વૃદ્ધો અને બાળકોની સંભાળ રાખવા માટે અનુરોધ કર્યો છે.
Click it and Unblock the Notifications
Sign in with Google
