Video: વડોદરામાં ભારે વરસાદે સર્જી આફત, રહેણાંક વિસ્તારોમાં ઘૂસી રહ્યા વિશાળકાય મગર, લોકોમાં ભય

Gujarat Weather: ગુજરાતમાં છેલ્લા ઘણા દિવસથી વરસાદી આફત જોવા મળી રહી છે. અતિશય વરસાદના કારણે નદી-નાળાઓ ઉભરાઈ રહ્યા છે અને પ્રાણીઓ રહેણાંક વિસ્તારોમાં ઘૂસી રહ્યા છે. આ દરમિયાન વડોદરામાં એક ઘરની છત પર મગર જોવા મળ્યો હતો. આ મગર 15 ફૂટનો વિશાળકાય હતો.

આ મગરને જોઈને લોકો ડરી ગયા છે, જેનો વીડિયો પણ સોશિયલ મીડિયા પર સામે આવ્યો છે. એટલું જ નહીં વડોદરામાં ઘણા સ્થળોએ રહેણાંક વિસ્તારોમાં મગર ઘૂસ્યા હોવાના અહેવાલો સામે આવી રહ્યા છે. સમાચાર અનુસાર, વિશ્વામિત્ર નદી પાસેનો વિસ્તાર ભારે વરસાદને કારણે પાણીમાં ગરકાવ થઈ ગયો છે, જેના કારણે મગર રહેણાંક વિસ્તારમાં ધસી ગયો હતો.

15 ફૂટનો મગર ઘરમાં ઘૂસી જતાં લોકોમાં ભારે ગભરાટ જોવા મળી રહ્યો છે. મગર ઘરમાં ઘૂસી જતાં સ્થાનિક લોકોએ તાત્કાલિક વન વિભાગને જાણ કરી હતી. જે બાદ વન વિભાગની ટીમ ઘટનાસ્થળે પહોંચી અને ઘણી જહેમત બાદ મગરને રેસ્ક્યુ કર્યો ત્યારે લોકોએ રાહતનો શ્વાસ લીધો.

આ કોઈ એક ઘટના ન હતી. બુધવારે મોડી રાત્રે સમા વિસ્તારમાં વધુ એક 11 ફૂટનો મગર પૂરના પાણીમાં તરતો જોવા મળ્યો હતો. બાદમાં આ મગરને પણ રેસ્ક્યુ કરવામાં આવ્યો હતો. શહેરમાં બે દિવસથી ભારે વરસાદ પડ્યો હતો, જેના કારણે વિશ્વામિત્ર નદીમાં પૂર આવ્યું હતું, જે લગભગ 300 મગરોનું ઘર છે. વડોદરામાં એક ઘરની છત પર પણ મગર જોવા મળ્યો હતો. આ ઘટનાનો વીડિયો પણ વાયરલ થયો છે.

તમને જણાવી દઈએ કે નેશનલ ડિઝાસ્ટર રિસ્પોન્સ ફોર્સ (NDRF) અને રાજ્યની ટીમોની બનેલી રેસ્ક્યુ ટીમે વડોદરા શહેરની આસપાસ તેમના ઘરો અને છત પર ફસાયેલા લોકોને બચાવ્યા હતા. સમાચાર એજન્સી પીટીઆઈના જણાવ્યા અનુસાર આ બચાવ અભિયાનમાં ભારતીય સેનાની ત્રણ ટુકડીઓ પણ તૈનાત કરવામાં આવી હતી.

આજવા સરોવરના દરવાજા બંધ કરાયા બાદ પણ સ્થિતિમાં સુધારો થયો નથી. હજુ પણ શહેરના અનેક વિસ્તારો પાણીમાં ગરકાવ થયા છે. શહેરના અનેક વિસ્તારોમાં 48 કલાકથી વીજકાપ છે. લોકો પોતાના ઘરોમાં રહેવા માટે મજબૂર થયા છે. વડોદરાની પૂરની સ્થિતિને ધ્યાનમાં રાખીને એનડીઆરએફ અને આર્મીની રાહત અને બચાવ કામગીરી માટે મદદ લેવામાં આવી છે. સેનાની ટીમે વડોદરામાં મોરચો સંભાળ્યો હતો. સેનાના હેલિકોપ્ટરની મદદથી ફૂડ પેકેટ પહોંચાડવામાં આવી રહ્યા છે.

VIDEO | Gujarat Rains: Crocodile spotted at roof of a house as heavy rainfall inundate Akota Stadium area of Vadodara.

(Full video available on PTI Videos - https://t.co/n147TvqRQz)#GujaratRains #GujaratFlood pic.twitter.com/FYQitH7eBK

— Press Trust of India (@PTI_News) August 29, 2024

English summary

Gujarat Weather: Heavy rains in Vadodara drives giant crocodiles into residential areas.