Gujarat Weather: રાજ્યમાં આજે દશેરાના દિવસે આ જિલ્લામાં ભારે વરસાદની આગાહી, જાણો ક્યાં પડશે વરસાદ
Gujarat Weather: ચોમાસું ગુજરાતમાંથી જવાનું નામ નથી લઈ રહ્યું ત્યારે આજે ગુરુવારે દશેરાના દિવસ માટે હવામાન વિભાગે રાજ્યના આ જિલ્લાઓમાં ભારે વરસાદની આગાહી કરી છે.
Gujarat Rain: ગુજરાતમાં જોત જોતામાં નવરાત્રી પુરી થઈ ગઈ છે. નવરાત્રીના છેલ્લા દિવસોમાં વરસાદથી ખલેલ પહોંચી હતી. જોકે, એકંદરે નવરાત્રી જોરદાર રહી છે. હજી પણ રાજ્યમાં વરસાદ પડી રહ્યો છે. ચોમાસું ગુજરાતમાંથી જવાનું નામ નથી લઈ રહ્યું ત્યારે આજે ગુરુવારે દશેરાના દિવસ માટે હવામાન વિભાગે રાજ્યના આ જિલ્લાઓમાં ભારે વરસાદની આગાહી કરી છે.
હવામાન વિભાગની આગાહી
આજે ગુજરાતમાં ભારે વરસાદની આગાહી હવામાન વિભાગ દ્વારા કરવામાં આવી છે, કચ્છ, મોરબી, બોટાદમાં ગાજવીજ સાથે વરસાદની આગાહી કરવામાં આવી છે, ભાવનગર, અમરેલી, સુરેન્દ્રનગર, જામનગર, રાજકોટ, જુનાગઢ, ગીર સોમનાથ, દ્વારકા, પોરબંદરમાં વરસાદની આગાહી કરવામાં આવી છે, સાથે સાથે માછીમારોને દરિયો ન ખેડવા સૂચના અપાઈ છે.
હવામાન વિભાગ પ્રમાણે આજે ગુરુવારના દિવસે સૌરાષ્ટ્ર અને દક્ષિણ ગુજરાતમાં મધ્યમ વરસાદની આગાહી કરવામાં આવી છે, જયારે ઉત્તર-મધ્ય ગુજરાતમાં સામાન્ય વરસાદની આગાહી કરાઈ છે.
હવામાન વિભાગે આપેલી માહિતી પ્રમાણે, 1થી 7મી ઓક્ટોબર સુધીમાં રાજ્યભરમાં ગાજવીજ સાથે હળવાથી મધ્યમ વરસાદની આગાહી આપવામાં આવી છે. ગુજરાતમાં પહેલી અને બીજી તારીખે જ ભારે વરસાદની આગાહી છે. તે બાદ સાતમી તારીખ સુધીમાં ક્યાંય પણ ભારે વરસાદની આગાહી આપવામાં આવી નથી.
Click it and Unblock the Notifications
Sign in with Google
