Gujarat Weather: રાજ્યના 11 જિલ્લાઓમાં ગાજવીજ સાથે વરસાદની આગાહી, જાણો હવામાન વિભાગની અપડેટ

Gujarat Weather: ગુજરાતમાં ચોમાસુ નિષ્ક્રિય થયુ હોવા છતાં રાજ્યમાં છૂટોછવાયો વરસાદ ચાલુ છે. વળી, આજથી વરસાદની તીવ્રતા વધશે. 20 જૂનથી અરબ સાગરમાં નવો કરન્ટ આવવાની સંભાવના છે.

ગુજરાતમાં છેલ્લા 24 કલાકમાં રાજ્યના 25 તાલુકામાં વરસાદ નોંધાયો છે. જેમાં સૌથી વધુ પાલિતાણામાં વરસાદ થયો છે. ભાવનગરમાં દોઢ ઈંચ વરસાદ પડ્યો છે.

હવામાન વિભાગની આગાહી મુજબ આજે રાજ્યના આઠ જિલ્લાઓમાં વરસાદનુ અનુમાન છે. 17 જૂનથી 19 જૂન સુધીમાં પવનની ગતિ વધુ રહેશે. આ દરમિયાન ગુજરાતમાં ગાજવીજ સાથે વરસાદની સંભાવના રહેશે. વળી, 22થી 25 જૂન સુધીમાં ચોમાસુ સક્રિય થશે.

રાજ્યના અનેક જિલ્લાઓમાં આજે ગાજવીજ સાથે મધ્યમ વરસાદની આગાહી છે. સાયક્લોનિક સર્ક્યુલેશન દક્ષિણ પશ્ચિમ રાજસ્થાનમાં સક્રિય બન્યુ છે. 15 જૂને દાહોદ, છોટાઉદેપુર, ડાંગ, નવસારી, વલસાડ, દમણ, દાદરા નગર હવેલી, અમરેલી, ભાવનગરમાં આગાહી છે.

વળી, 16 જૂને ગાંધીનગર, અરવલ્લી, અમદાવાદ, નવસારી, વલસાડ, દમણ, દાદરા નગર હવેલી, સુરેન્દ્રનગર, બોટાદમાં તેમજ 17 જૂને નવસારી, વલસાડ, દમણ, દાદરા નગર હવેલી અને ભાવનગરમાં વરસાદની આગાહી કરવામાં આવી છે.

English summary

Gujarat Weather: Rain forecast in 11 districts of the state, know the IMD update here.