Gujarat Weather: રાજ્યમાં વરસાદનું જોર ઘટ્યું, જાણો હવામાન વિભાગની આગાહી

Gujarat Weather: હવામાન વિભાગની આગાહી પ્રમાણે વાત કરીએ તો ગુજરાતમાં વરસાદનું જોર ઘટયું છે, અને રાજ્યમાં હળવાથી મધ્યમ વરસાદની આગાહી કરવામાં આવી છે. તો કચ્છ પંથકમાં હજી ભારે વરસાદની આગાહી કરવામાં આવી છે, તો આગામી સમયમાં ધીરે ધીરે વરસાદનું જોર હજી પણ ઘટશે તેવું અનુમાન હવામાન વિભાગનું છે.

Gujarat Weather: રાજ્યમાં ધોધમાર વરસાદ હવે મંગળવારથી વરસાદની ગતિ મંદ પડી છે. મંગળવારે કચ્છમાં વરસાદનું યલો એલર્ટ આપવામાં આવ્યું હતું. આ સાથે આવનારા 5 દિવસમાં કોઈ ભારે વરસાદની હવામાન વિભાગની આગાહી નથી. ગુજરાતના કોઈપણ જિલ્લામાં કોઈ એલર્ટ નથી પરંતુ સામાન્ય વરસાદની વકી છે. બીજી તરફ ડિપ્રેશન નલિયાથી 260 કિમી દૂર જતું રહ્યું છે. તો પાકિસ્તાનની નજીક પહોંચ્યું છે.

India Meteorological Department: હવામાન વિભાગ પાસેથી મળતી માહિતી પ્રમાણે, 09 સપ્ટેમ્બર, 2025ના રોજ ભારતીય સમય મુજબ 2330 કલાકે ડિપ્રેશન દક્ષિણપૂર્વ પાકિસ્તાન પર છેલ્લા 6 કલાક દરમિયાન 10 કિમી પ્રતિ કલાકની ઝડપે પશ્ચિમ તરફ આગળ વધ્યું છે. તે 25.0°N અક્ષાંશ અને 67.1°E રેખાંશ નજીક, કરાચી (પાકિસ્તાન) ની ઉત્તરે, સકરંદ (પાકિસ્તાન) થી 120 કિમી પશ્ચિમે, હૈદરાબાદ (પાકિસ્તાન) થી 140 કિમી પશ્ચિમ-દક્ષિણપશ્ચિમે અને નલિયા (ગુજરાત) થી 260 કિમી ઉત્તરપશ્ચિમે સ્થિત હતું. તે દક્ષિણ પાકિસ્તાનમાં લગભગ પશ્ચિમ તરફ આગળ વધવાની સંભાવના છે, આગામી 12 કલાક દરમિયાન તેની તીવ્રતા જાળવી રાખશે. ત્યારબાદ, તે ધીમે ધીમે વેલ માર્ક લો પ્રેશરમાં ફેરવાઈ જશે અને આગામી 12 કલાક દરમિયાન ઉત્તરપૂર્વ અરબી સમુદ્રમાં આવી જશે.

હવામાન વિભાગના અમદાવાદ કેન્દ્રના ડાયરેક્ટર, એ. કે. દાસે મંગળવારે ગુજરાતના હવામાન અંગેની આગાહી આપી છે. જેમાં તેમણે જણાવ્યું છે કે, ગુજરાતમાં 9થી 15મી સપ્ટેમ્બર સુધીમાં હળવાથી મધ્યમ વરસાદની આગાહી આપવામાં આવી છે. માછીમારોને આજે દરિયો ન ખેડવાની આગાહી આપવામાં આવી છે. દરિયાકાંઠે 45થી 55 કેએમપીએચ સાથે હવા ફૂંકાશે આ સાથે હવાની મહત્તમ સ્પીડ 65 સુધી જઈ શકે છે. આજથી દરિયાકાંઠાના વિસ્તારોની પવનની ગતિ ઓછી થઈ શકે છે.

ગુજરાતમાં સિઝનનો 106% વરસાદ વરસ્યો

રાજ્યમાં સિઝનનો 106% વરસાદ વરસ્યો છે. સૌરાષ્ટ્ર ઝોનને બાદ કરતાં તમામ ઝોનમાં 100% કરતા વધુ વરસાદ ખાબક્યો છે. ઉત્તર ગુજરાતમાં 117.03, મધ્ય ગુજરાતમાં 110.07, દક્ષિણ ગુજરાતમાં 110.68, કચ્છમાં 116.12 અને સૌરાષ્ટ્રમાં 93% વરસાદ નોંધાયો છે. રાજ્યના 207 જળાશયોમાં 87.54 ટકા પાણીનો જથ્થો છે. સરદાર સરોવર ડેમમાં 91.07 ટકા પાણીનો સંગ્રહ છે. 127 ડેમ હાઈ એલર્ટ, 24 ડેમ એલર્ટ અને 12 ડેમને વોર્નિંગ પર રાખવામાં આવ્યા છે.

English summary

Gujarat Weather: The intensity of rain has decreased in the state, know the forecast of the Meteorological Department