ગુજરાતમાં ફરી થશે કમોસમી વરસાદ, હવામાન વિભાગે કરી આગાહી
Gujarat Weather Update: પશ્ચિમ રાજસ્થાન પરનું સાયક્લોનિક સરક્યુલેશન ખસી ગયું હોવા છતાં, ભારતીય હવામાન વિભાગની આગાહી મુજબ ગુજરાતના કેટલાક ભાગોમાં હળવા કમોસમી વરસાદની શક્યતા છે.
ભારતીય હવામાન વિભાગ દ્વારા જાહેર કરવામાં આવેલા લેટેસ્ટ બુલેટિનમાં જણાવવામાં આવ્યું છે. હવામાન વિભાગ દ્વારા 28 અને 29 એપ્રિલના રોજ કમોસમી વરસાદની સંભાવનાની આગાહી કરવામાં આવી છે.
IMD અનુસાર, 28 એપ્રિલ એટલે કે આજે ગુજરાત પ્રદેશના જિલ્લાઓમાં, પંચમહાલ, દાહોદ, મહિસાગર, છોટા ઉદેપુર, નર્મદા, સુરત અને તાપીમાં છૂટાછવાયા સ્થળોએ હળવો વરસાદ થવાની સંભાવના છે.
ઉલ્લેખનીય છે કે, ભારતીય હવામાન વિભાગ (IMD)ની આગાહીમાં જણાવ્યા અનુસાર, જૂનથી સપ્ટેમ્બર સુધી સમગ્ર દેશમાં લાંબા સમય સુધી ચોમાસાનો વરસાદ થવાની આશંકા છે. આ દરમિયાન લગભગ 106 ટકા વરસાદની અપેક્ષા છે.
આ વર્ષે ચોમાસું સામાન્ય કરતાં વધુ રહેવાની શક્યતા છે. 1971 થી 2020 સુધીના 50 વર્ષના વરસાદના આંકડા મુજબ આ વર્ષે 87 સેમી વરસાદ પડવાની ધારણા છે.
હવામાન વિભાગના જણાવ્યા અનુસાર કેરળ, તમિલનાડુ, કર્ણાટક, તેલંગાણા, આંધ્રપ્રદેશ, મહારાષ્ટ્ર, ગુજરાત, મધ્યપ્રદેશ, રાજસ્થાન, પંજાબ, ચંદીગઢ, હરિયાણા, દિલ્હી, ઉત્તરાખંડ, ઉત્તર પ્રદેશ, બિહાર, ઝારખંડ, પશ્ચિમ બંગાળ, સિક્કિમ, મેઘાલય , અરુણાચલ પ્રદેશ , પોડિંચેરી, આંદામાન અને નિકોબાર ટાપુઓ, લક્ષદ્વીપ, દાદરા અને નગર હવેલી અને દમણ-દીવ રાજ્યો સામાન્ય કરતા વધુ સારા રહેશે. જ્યારે ચાર રાજ્યો છત્તીસગઢ, હિમાચલ, જમ્મુ-કાશ્મીર અને લદ્દાખમાં સામાન્ય વરસાદની અપેક્ષા છે.
Click it and Unblock the Notifications
Sign in with Google
