ગુજરાતમાં પારો ગગડ્યો, નલિયા 10 ડિગ્રી સાથે રાજ્યનું સૌથી ઠંડું શહેર

ગુજરાતના ઘણા ભાગોમાં લઘુત્તમ તાપમાનમાં વધુ ઘટાડો જોવા મળ્યો છે, જેનાથી શિયાળાની ઠંડી વધુ ઘેરી બની રહી છે. IMDના આંકડા અનુસાર, નલિયા ૧૦°C સાથે રાજ્યનું સૌથી ઠંડું સ્થળ રહ્યું, જે સામાન્ય કરતાં ૩.૨°C ઓછું હતું.

આ સિવાય મુખ્ય શહેરોમાં રાત્રિનું તાપમાન સામાન્ય કરતાં ઓછું કે તેની નજીક રહ્યું. રાજકોટ (૧૫.૮°C, -૦.૨°C), સુરત (૧૭.૬°C, -૦.૬°C), પોરબંદર (૧૭.૨°C, -૦.૩°C), દીવ (૧૫.૬°C, -૦.૨°C) અને વડોદરા (૧૫.૪°C, -૦.૪°C)માં સહેજ ઘટાડો નોંધાતા ઠંડક વધી રહી છે.

જો કે, અમદાવાદનું લઘુત્તમ તાપમાન ૧૬.૫°C નોંધાયું, જે સામાન્ય કરતાં ૧.૩°C વધુ હતું. ગાંધીનગરમાં પણ ૧૫.૫°C લઘુત્તમ તાપમાન રહ્યું, જે સામાન્ય કરતાં નજીવું ૦.૮°C વધુ હતું.

દિવસનું તાપમાન સામાન્યની નજીક રહ્યું હોવા છતાં ઠંડી રાતો અને વહેલી સવારની ભેજવાળી હવા (દમણમાં ૬૫% થી પોરબંદરમાં ૮૭% સુધી) સવારના સમયે વધુ ઠંડીનો અહેસાસ કરાવતી હતી.

ઉત્તરીય પવનોની અસર ચાલુ રહેતાં, IMDના મતે આગામી બે દિવસમાં લઘુત્તમ તાપમાનમાં વધુ ઘટાડો થશે. જે રાજ્યભરમાં શિયાળાની તીવ્રતામાં વધારો કરશે.

English summary

The IMD reports a decline in minimum temperatures across Gujarat with Naliya recording around 10°C, the state’s coldest. Several cities registered lower night readings, while daytime temperatures remained near normal. Winds and humidity contributed to a stronger perceived chill, with forecast for further cooling over the next two days.