વિશ્વની કંપનીઓ ન કરી શકી તે આ ગુજરાતીએ કર્યું, બનાવ્યું અનોખું સફાઇ મશીન
ગાંધીનગર, 6 ઓક્ટોબરઃ વડાપ્રધાન નરેન્દ્ર મોદી દ્વારા 2 ઓક્ટોબરથી દેશભરમાં સ્વચ્છતા અભિયાન ઝુંબેશ શરૂ કરી છે. ગુજરાત પણ આ સ્વચ્છતા અભિયાનમાં જોડાઇ ગયું છે. જોકે ઇડરની એક વ્યક્તિ કંઇક અનોખી રીતે આ સ્વચ્છતા અભિયાનમાં જોડાઇ છે. તેમણે એક એવું મશીન બનાવ્યું છે, જે વિશ્વની કંપનીઓ પણ બનાવી શકી નથી. તેમમે સફાઇ માટે એક અનોખા મશીનનું નિર્માણ કર્યું છે. આ મશીનની ખાસીયત એ છેકે તે રસ્તાઓની તો સફાઇ કરી જ શકે છે, પરંતુ માર્કેટયાર્ડમાં રાખવામાં આવેલા અનાજને બચાવવાનું કામ પણ કરે છે.
આ અંગે જાણવા મળ્યા અનુસાર, ઇડરમાં હાલ આ મશીનનો ઉપયોગ નગરપાલિકા દ્વારા કરવામાં આવી રહ્યો છે, તેઓ ચકાસી રહ્યાં છેકે આ મશીન યોગ્ય રીતે સફાઇ કરી શકે છેકે નહીં, જો આ નગરપાલિકાની ચકાસણીમાં ખરું ઉતરશે તો પાલિકા દ્વારા તેને ખરીદવામાં આવશે. આ મશીન રસ્તા પરથી રેતી સહિતના કચરાને એક સફાઇ કામદારની જેમ સાફ કરીને ઉપાડી લે છે. આ મશીન કોઇ જાણીતી વ્યક્તિએ નહીં પરંતુ આમ આદમી દ્વારા બનાવવામાં આવ્યું છે, અરવિંદ દરજી નામની સામાન્ય વ્યક્તિએ તૈયાર કરેલા મશીનનો ઉપયોગ માર્કેટ યાર્ડમાં પણ કરી શકાય છે. જેમાં આ મશીન થકી અનાજને સાફ કરીને અન્ય સ્થળે લઇ જવામાં મદદ મળી શકે છે. ઉપરાંત તેમાં અલગ અલગ સાધનો લગાવવામાં આવે તો તે સફાઇની સાથોસાથ દવા છંટકાવનું કામ પણ કરી શકે છે.
મશીન અંગે જાણવા મળેલી માહિતી મુજબ વિદેશમાંથી આ પ્રકારના મશીન મંગાવવામાં આવે તો તેની કિંમત 60 લાખ કરતા વધારે થઇ જાય છે, પરંતુ આ મશીન 17 લાખ રૂપિયાની આસપાસ મળી રહે છે. આ મશીનને આરટીઓ દ્વારા પણ મંજૂરી મળી ગઇ છે. એવું પણ માનવામાં આવી રહ્યું છેકે, જો નગરપાલિકાની ચકાસણીમાં આ મશીન સફળ થશે તો તે સફાઇ કામદારોનું સ્થાન લઇ શકે છે. ચાલો તસવીરો થકી એ મશીનને નિહાળીએ.
સફાઇ કામદારની જેમ કરે છે સફાઇ
આ મશીન રસ્તા પરથી રેતી સહિતના કચરાને એક સફાઇ કામદારની જેમ સાફ કરીને ઉપાડી લે છે.
આમ આદમીએ બનાવ્યું મશીન
આ મશીન કોઇ જાણીતી વ્યક્તિએ નહીં પરંતુ આમ આદમી દ્વારા બનાવવામાં આવ્યું છે, અરવિંદ દરજી નામની સામાન્ય વ્યક્તિએ તૈયાર કરેલા મશીનનો ઉપયોગ માર્કેટ યાર્ડમાં પણ કરી શકાય છે.
માર્કેટયાર્ડ માટે પણ છે ઉપયોગી
આ મશીનની ખાસીયત એ છેકે તે રસ્તાઓની તો સફાઇ કરી જ શકે છે, પરંતુ માર્કેટયાર્ડમાં રાખવામાં આવેલા અનાજને બચાવવાનું કામ પણ કરે છે.
મશીન અનેકવિધ રીતે મદદરૂપ
આ મશીન થકી અનાજને સાફ કરીને અન્ય સ્થળે લઇ જવામાં મદદ મળી શકે છે. ઉપરાંત તેમાં અલગ અલગ સાધનો લગાવવામાં આવે તો તે સફાઇની સાથોસાથ દવા છંટકાવનું કામ પણ કરી શકે છે.
Click it and Unblock the Notifications
Sign in with Google
