જામનગરને સ્પોર્ટ્સ કોમ્પલેક્ષ મળશે, રાજ્ય સરકારે મંજુરી આપી
જામનગરમાં ટૂંક સમયમાં સ્પોર્ટ્સ કોમ્પ્લેક્સનું નિર્માણ થવા જઈ રહ્યું છે. આ માટે રાજ્ય સરકારની મંજુરી મળી ગઈ છે. આ સુવિધા માટે મુખ્યમંત્રી ભૂપેન્દ્ર પટેલ ભૂમિપૂજન કરશે.
અહેવાલો અનુસાર, આ સ્પોર્ટ કોમ્પલેક્ષને ઓલ્ડ બ્રુક બોન્ડની જમીનમાં બાંધવામાં આવશે. આ કોમ્પલેક્ષ 400 મીટરના રનિંગ ટ્રેક સહિત ઇન્ડોર અને આઉટડોર બંને પ્રકારની રમતોને આવરી લેશે.
આ સુવિધા 20 કરોડથી વધુના ખર્ચે બાંધવામાં આવશે. સૂચિત સ્પોર્ટ્સ કોમ્પ્લેક્સમાં ઇન્ડોર હોલ બિલ્ડિંગ, ફૂટબોલ ગ્રાઉન્ડ સાથે 400 મીટર બી લેન એથ્લેટિક ટ્રેક, વોલીબોલ કોર્ટ, ખો-ખો, કબડ્ડી, લૉન ટેનિસ, બાસ્કેટ બોલ કોર્ટ, ટોઇલેટ બ્લોક, પાર્કિંગ, એન્ટ્રી ગેટ અને સુરક્ષાની જોગવાઈ હશે.
જણાવી દઈએ કે, લાંબા સમયથી જામનગરમાં સ્પોર્ટ્સ કોમ્પ્લેક્સની માંગણી થઈ રહી હતી. આ માટે ધારાસભ્ય રિવાબા જાડેજાએ સરકારને પત્ર પણ લખ્યો હતો.
Click it and Unblock the Notifications
Sign in with Google
