• search
For Quick Alerts
ALLOW NOTIFICATIONS  
For Daily Alerts

કેશુભાઇએ પટેલ વર્ચસ્વવાળી બેઠકો પર નજર ઠેરવી

|
keshubhai-patel
અમદાવાદ, 19 નવેમ્બર : ભૂતપૂર્વ મુખ્યપ્રધાન કેશુભાઈ પટેલની ગુજરાત પરિવર્તન પાર્ટીએ ગુજરાત વિધાનસભા ચૂંટણી 2012માં સફળતા મેળવવા ગુજરાતમાં સૌરાષ્ટ્રની પટેલ વર્ચસ્વવાળી બેઠકો પર નજર ઠેરવી છે.

ગુજરાત પરિવર્તન પાર્ટી (જીપીપી) ગુજરાતની તમામ 182 વિધાનસભા બેઠકો ઉપર પોતાના ઉમેદવારો ઊભા રાખવાની છે, પરંતુ પાર્ટીનું મુખ્ય ફોક્સ સૌરાષ્ટ્રની 10 અને સુરતની 3 મળીને કુલ 13 બેઠકો ઉપર છે.

રસપ્રદ બાબત એ છે કે, જીપીપીની આ તમામ 'એ' ગ્રેડની યાને ચૂંટણી જીતવાની આશા ધરાવતી બેઠકો મોટેભાગે લેઉઆ પટેલોના વર્ચસ્વવાળી છે. ગુજરાતમાં વિધાનસભા ચૂંટણી બાદ નવી સરકાર બનાવવાની કવાયતમાં ગુજરાત પરિવર્તન પાર્ટી કિંગમેકરની ભૂમિકા ભજવવાનો ઈરાદો ધરાવી રહી છે.

જીપીપીએ સૌરાષ્ટ્રની વિસાવદર, ધારી, લાઠી-બાબરા, સાવરકુંડલા, મોરબી, ગોંડલ, રાજકોટ નં-4 ગ્રામીણ, બોટાદ, ગારિયાધાર અને પાલિતાણા તથા સુરતની કતારગામ, વરાછા રોડ અને કામરેજનો સમાવેશ થાય છે.

આ તમામ બેઠકોની ચૂંટણી પ્રથમ રાઉન્ડમાં યોજાવાની છે.
પરિવર્તન પાર્ટીના સૂત્રધાર કેશુભાઈ તેમના વતન વિસાવદરથી ચૂંટણી લડવાના છે. જ્યારે મહામંત્રી ગોરધન ઝડફિયા વતન ભાવનગર જિલ્લો છોડીને આ વખતે લેઉઆ સમાજની સૌથી સલામત ગણાતી સીટ ગોંડલથી નસીબ અજમાવવાના છે. ઝડફિયા છેલ્લે 2009માં લોકસભાની ચૂંટમી ભાવનગરથી લડયા ત્યારે એમને ખાસ્સા 1 લાખ 56 હજાર મતો મળ્યા હતા.

પરિવર્તન પાર્ટીના આ બે દિગ્ગજો સિવાય બીજાં કોઈ મોટા નેતા ચૂંટણી લડવાના નથી. પાર્ટીના સૂત્રો કહે છે કે, સોમવાર 19 નવેમ્બર, 2012ની સાંજ સુધીમાં પ્રથમ તબક્કા માટે પાર્ટીના ઉમેદવારો નક્કી થઈ જશે, અલબત્ત, પાર્ટી 22મી- 23મીએ કોંગ્રેસ-ભાજપ સાથે જ તેના ઉમેદવારો જાહેર કરશે.

English summary
Keshubhai targets on Patel dominated constituencies.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more