ગુજરાત વિધાનસભાના ઉપાધ્યક્ષ તરીકે મંગુ પટેલને મોદીએ આપ્યા અભિનંદન

ગાંધીનગર, 3 ઓક્ટોબર : આજે ગુજરાત વિધાનસભાના ત્રણ દિવસના ટૂંકા ચોમાસુ સત્રના અંતિમ દિવસે વિધાનસભાના ઉપાધ્યક્ષ તરીકે દક્ષિણ ગુજરાતના ભાજપના અગ્રણી અને ભૂતપૂર્વ વનમંત્રી મંગુભાઈ પટેલ વિધિવત ચૂંટાઈ આવ્‍યા છે. 11 વર્ષ બાદ ઉપાધ્યક્ષની જગ્‍યા પર વરણી થઈ છે. મંગુભાઇ પટેલની સર્વાનુમતે થયેલી વરણીને પગલે મુખ્યમંત્રી નરેન્દ્ર મોદીએ તેમને અભિનંદન પાઠવ્યા હતા.

આ પ્રસંગે નરેન્દ્ર મોદીએ મંગુભાઇ પટેલ પાસે જઇને તેમને ઉપાધ્યક્ષના આસન સુધી દોરી ગયા હતા. આ પ્રસંગે તેમની સાથે નીતિનભાઇ પટેલ પણ હાજર હતા. નરેન્દ્ર મોદીએ મંગુભાઇ પટેલને વિધાનસભા ગૃહના ઉપાધ્યક્ષ બનવા માટે ખૂબ ખૂબ અભિનંદન પાઠવ્યા હતા.

કોંગ્રેસે ઉપાધ્‍યક્ષ પદ માટે શૈલેષ પરમારના નામની દરખાસ્‍ત કરેલ પરંતુ કોંગ્રેસના ધારાસભ્‍યો 3૩ દિવસ પહેલા ગૃહમાંથી સસ્‍પેન્‍ડ થયા હતા. આજે માત્ર 3 કોંગ્રેસી ધારાસભ્‍યો જ ગૃહમાં હાજર હતા તેથી મંગુભાઈ વિના અવરોધે ઉપાધ્‍યક્ષ પદે ચૂંટાયા હતા. અત્રે ઉલ્લેખનીય છે કે, ગુજરાતના ઈતિહાસમાં કદાચ પ્રથમ વખત જ શાસક પક્ષના ધારાસભ્‍ય ઉપાધ્‍યક્ષ પદે ચૂંટાયા છે.

1

Photo : વિધાનસભાના ઉપાધ્યક્ષ મંગુભાઇને અભિનંદન આપતા મોદી

2

Photo : વિધાનસભાના ઉપાધ્યક્ષ મંગુભાઇને અભિનંદન આપતા મોદી

3

મંગુભાઇને તેમની બેઠક સુધી દોરી જતા મોદી

4

મંગુભાઇને તેમની બેઠક સુધી દોરી જતા મોદી

English summary

Mangubhai Patel is appointed as Gujarat Assembly Vice Chairman