વાઇબ્રન્ટ ગુજરાત ગ્લોબલ ટ્રેડ શો 2024ની મંત્રી ભાનુબેન બાબરીયાએ લીધી મુલાકાત
Vibrant Gujarat Global Trade Show 2024: VGGS 2024 અંતર્ગત હેલિપેડ,ગાંધીનગર ખાતે બે લાખ ચોરસ મીટર વિસ્તારમાં આયોજિત દેશના સૌથી વિશાળ વાયબ્રન્ટ ગુજરાત ગ્લોબલ ટ્રેડ શોની આજે સામાજિક ન્યાય અધિકારીતા અને મહિલા અને બાળ કલ્યાણ વિભાગના મંત્રી શ્રીમતી ભાનુબેન બાબરીયાએ મુલાકાત લીધી હતી.
મંત્રી ભાનુબેન બાબરીયાએ બ્લુ ઇકોનોમિ થીમ પર પેવેલિયનની મુલાકાત લઈ ગુજરાત મેરીટાઈમ બોર્ડ અને બંદર, જહાજ અને જળ માર્ગ મંત્રાલય દ્વારા યોજવામાં આવેલા આકર્ષણોને રસ પૂર્વક નિહાળ્યું હતું.
મંત્રીએ આ વેળાએ ભારતના મહત્વના 12 બંદરોની વર્ચ્યુઅલ રિયાલિટી (VR)ના માધ્યમથી રૂબરૂ જીવંત અનુભવ કરાવતી ફિલ્મ નિહાળી હતી. ગુજરાતનો વિશાળ 1600 કિલોમીટરનો દરિયાકિનારો ધરાવે છે, ત્યારે મત્સ્ય ઉત્પાદન અને નિકાસ ક્ષેત્રે મહત્વનું યોગદાન છે. વધુમાં મંત્રીએ લોથલ ખાતે બનાવવામાં આવનાર મેરીટાઈમ હેરિટેજ કોમ્પલેક્ષની માહિતી વર્ચ્યુઅલ રિયાલિટી (VR) દ્વારા રસપૂર્વક નિહાળી હતી.
મંત્રીએ ગુજરાતની કલા વારસો અને સંસ્કૃતિને રજૂ કરતું પેવેલિયન નંબર 4ની મુલાકાત લઈ, ગરવી ગુર્જરી દ્વારા ઊભા કરવામાં આવેલા સ્ટોલમાં હેન્ડિક્રાફ્ટ, માતાની પછેડી, બાંધણી વિશે જાણ્યું અને ચરખો ચલાવી કલાકારો સાથે સંવાદ કર્યો હતો.
મંત્રીએ કચ્છ બળદિયા ગામના લક્ષ્મી વણકર મંડળીના વાલુંબેન બડાગા અને અમદાવાદના માતાની પછેડીના કલાકાર હેતલબેન પાસેથી માહિતી મેળવી હતી. આ સાથે તેમણે ગુજરાત પવિત્ર યાત્રાધામ વિકાસ બોર્ડ દ્વારા ગુજરાતના અંબાજી, ડાકોર, પાવાગઢ, સોમનાથ, દ્વારકા સહિતના મંદિરો સંદર્ભે ફિલ્મ અને વર્ચ્યુઅલ રિયાલિટી દ્વારા યોજવામાં આવેલા આકર્ષણો નિહાળ્યા હતા. આ જ પેવેલિયનમાં રામ મંદિરની પ્રતિકૃતિ તૈયાર કરવામાં આવી છે જેના વિશે યાત્રાધામ વિકાસ બોર્ડના સચિવ આર. આર. રાવલે મંત્રીને માહિતગાર કર્યા હતા.
Click it and Unblock the Notifications
Sign in with Google
