Morbi: એક જ પરિવારના ત્રણ સભ્યોએ જીવન ટૂંકાવ્યું, તપાસમાં જોડાઇ મોરબી પોલીસ
Morbi in Gujarati: ગુજરાતના મોરબી શહેરમાં એક જ પરિવારના ત્રણ લોકોએ જીવન ટૂંકાવ્યું છે. આ સમાચાર વાયુવેગે ફેલાતા જ વિસ્તારમાં અરેરાટી ફેલાઈ ગઈ હતી.
મોરબી પોલીસે ઘટનાસ્થળે પહોંચી તપાસ કરતાં ત્યાંથી એક સુસાઈડ નોટ મળી આવી હતી. મૃતદેહોને પોસ્ટમોર્ટમ માટે મોકલવામાં આવ્યા હતા. મૃતકોમાં પતિ, પત્ની અને તેમના પુત્રનો સમવેશ થાય છે.
ફ્લેટના અલગ-અલગ રૂમમાંથી મૃતદેહો મળી આવ્યા - એક પોલીસ અધિકારીએ જણાવ્યું કે, હરેશ કમ્બર (57), તેમની પત્ની વર્ષાબેન (55) અને તેમના પુત્ર હર્ષ (19)ના મૃતદેહ રાવપર રોડ વિસ્તારમાં એક બિલ્ડિંગના ચોથા માળે તેમના ફ્લેટના અલગ-અલગ રૂમમાંથી મળી આવ્યા હતા.
પોલીસ અધિકારીએ જણાવ્યું હતું કે, કમ્બરના ભાઈએ સવારે ફ્લેટના બેડરૂમ, લિવિંગ રૂમ અને રસોડામાં મૃતદેહો જોયા, ત્યારબાદ તેમણે પોલીસને જાણ કરી હતી.
પરિવાર પાસે હતી હાર્ડવેરની દુકાન - હરેશ કંબર એક વેપારી હતો અને મોરબી શહેરમાં હાર્ડવેરની દુકાન ધરાવતો હતો. પોલીસ અધિક્ષક (મોરબી) રાહુલ ત્રિપાઠીએ જણાવ્યું હતું કે, પ્રાથમિક દ્રષ્ટિએ આ આત્મહત્યાનો કેસ હોવાનું જણાય છે. જોકે, અમે અન્ય શક્યતાઓને નકારી રહ્યા નથી અને અમે કેસની તપાસ કરીશું.
આ મામલે તપાસ કરવામાં આવશે - મોરબી પોલીસ અધિક્ષક રાહુલ ત્રિપાઠીએ જણાવ્યું હતું કે, સ્થળ પરથી એક પત્ર મળી આવ્યો છે, જેમાં પરિવારે જણાવ્યું છે કે, તેમની કાર્યવાહી માટે કોઈને જવાબદાર ન ઠેરવવામાં આવે.
અધિકારીએ જણાવ્યું હતું કે, તેને આ પગલું ભરવા પાછળનું કારણ ખબર નથી. તેમણે જણાવ્યું હતું કે, આ મામલાની તપાસ કરવામાં આવશે. પરિવારના એક પરિચિતના જણાવ્યા અનુસાર, કમ્બરે બે દિવસ પહેલા તેના પુત્રનો જન્મદિવસ ઉજવ્યો હતો.
Click it and Unblock the Notifications
Sign in with Google
