‘કોંગ્રેસ માટે 2જી સ્પેક્ટ્રમ અને કોલસા કૌભાંડ જેવા ઝાડ પર ઉગે છે રૂપિયા'

દાહોદ: વડાપ્રધાન મનમોહનસિંહે શુક્રવારે એવું નિવેદન કર્યું હતું કે ‘પૈસા ઝાડ પર નથી ઉગતા'. આ નિવેદન કરી જાણે મનમોહનસિંહ ફસાઈ ગયા છે. ચોતરફથી તેમની પર પ્રહારો થઇ રહ્યા છે.

ગુજરાતના મુખ્યમંત્રી નરેન્દ્ર મોદીએ પણ ટિવટર પર વડાપ્રધાને કરેલા આ નિવેદનની ટિખળ કરી હતી. મોદીએ લખ્યું હતું કે ‘ કોંગ્રેસ માટે 2જી સ્પેક્ટ્રમ અને કોલસા કૌભાંડ એ રૂપિયાનું ઝાડ બની ચૂક્યું છે.'

મોદીએ વધુમાં ઉમેર્યું હતું કે ‘ એક પ્રખર અર્થશાસ્ત્રી આવું પાયા વગરનું નિવેદન કઈ રીતે આપી શકે? પીએમજી! દેશની જનતા જાણે છે કે પૈસા ઝાડ પર નથી ઉગતા'

મોદીએ જણાવ્યુ હતું કે ‘ અમને એ પણ ખબર છે કે 2જી સ્પેક્ટ્રમ કૌભાંડ એ તમારા માટે રૂપિયાનું ઝાડ છે, કોલસા કૌભાંડ એ તમારા માટે રૂપિયાનું ઝાડ છે. કોલસા કૌભાંડથી મોટું કયું ઝાડ જોઇએ છે તમારે.'

મોદીએ સીધો આરોપ લગાવતા કહ્યું કે ‘ કોંગ્રેસે 2જી સ્પેક્ટ્રમ અને કોલસા કૌભાંડને રૂપિયાનું ઝાડ બનાવ્યું છે અને દેશને બરબાદ કરી નાખ્યું છે.

English summary

Chief Minister Narendra Modi on Saturday alleged that for the Congress, 2G scam and Coal scam have become money trees.