નર્મદા ડેમ ઓવરફ્લોઃ 121.92 મીટરની સપાટી વટાવી

મધ્યપ્રદેશના ઈન્દિરા સાગર અને ઓમકારેશ્વર ડેમમાં પાણીની ભરપૂર આવકને પગલે ગુજરાતની જીવાદોરી સમાન નર્મદા ડેમ મોડીરાત્રે 3.30 વાગ્યાની આસપાસ ઓવરફ્લો થયો હતો. 121.92ની સપાટી વટાવીને નર્મદા ડેમ ઓવરફ્લો થયો હતો જ્યારે અત્યારે ડેમની સપાટી 122.10 મીટર છે.

મધ્ય પ્રદેશમાં સતત વરસાદના પગલે ઇન્દિરા સાગર અને ઓમકારેશ્વર ડેમમાંથી પાણી છોડવામાં આવ્યાં હતાં. જેને પગલે કેવડિયા ખાતે મોસમમાં પહેલી વખત નર્મદા ડેમ છલકાયો છે.

જેટલા પ્રમાણમાં પાણીની આવક છે તે જોતા પાણીનો ઓવરફ્લો હજી વધે તેવી સંભાવનાઓ છે. નર્મદા ફ્લડ કંટ્રોલના સુત્રોએ કહ્યુ હતુ કે હાલમાં પાણીની આવક 2.83 લાખ ક્યુસેક છે અને તેની સામે જાવક 52000 ક્યુસેક છે અને ઉપરવાસમાંથી પાણી જે રીતે છોડવામાં આવ્યુ છે તે જોતા હજી ઓવરફ્લો વધે તેવી શક્યતાઓ નકારી કઢાતી નથી.

English summary

Narmada Dam Overflow due to heavy rain.