NEET UG 2024: પરીક્ષામાં ગેરરીતિની FIRની તપાસ CBI ને સોંપશે રાજ્ય સરકાર
NEET UG 2024ની ગત તારીખ 5 મે, 2024ના રોજ લેવામાં આવેલી પરીક્ષામાં ગેરરીતિઓ અંગે ડાયરેક્ટર, ડિપાર્ટમેન્ટ ઓફ હાયર એજ્યુકેશન ભારત સરકાર દ્વારા પોલીસ ફરિયાદ કરવામાં આવેલી છે.
આ અંગેની તપાસ CBI દ્વારા કરવામાં આવી રહી છે. આ પરીક્ષામાં થયેલી ગેરરીતિ અંગેની ફરિયાદ ગોધરા તાલુકા પોલીસ મથકમાં તારીખ 8 મે, 2024ના રોજ નોંધવામાં આવી છે.
આ સમગ્ર બાબતમાં વિસ્તૃત તપાસ થઈ શકે તેવા હેતુથી ગોધરા તાલુકા પોલીસ મથકમાં નોંધાયેલી FIRની તપાસ પણ રાજ્ય સરકાર દ્વારા CBI ને સોંપવાનો નિર્ણય કરવામાં આવ્યો છે.
આ તપાસ દિલ્હી સ્પેશિયલ પોલીસ એસ્ટાબ્લિશમેન્ટ એક્ટ, 1946ની કલમ-6 અન્વયે CBIને સોંપવામાં આવી છે. રાજ્ય સરકારના ગૃહ વિભાગ દ્વારા આ સંદર્ભમાં નોટિફિકેશન પણ જાહેર કરવામાં આવી છે.
Click it and Unblock the Notifications
Sign in with Google
