ઓક્ટોબર 2, 2014 : ગુજરાત ન્યૂઝ અપડેટ્સ

ગતિશીલ ગુજરાતમાં રોજબરોજ અનેક ઘટનાઓ બનતી હોય છે. આ અનેક ઘટનાઓમાં કેટલીક મહત્વની ઘટનાઓ સમાચાર બનતી હોય છે. રાજકારણ, સરકાર, સંસ્કૃતિ, કલા, વારસો, પરંપરા, શોધ, વિજ્ઞાન વગેરે ક્ષેત્ર સાથે સંકળાયેલી દિવસભરની મહત્વની ઘટનાઓ પર ફટાફટ નજર ફેરવી લઇને રહો અપડેટ..

અમદાવાદમાં ગેસ પુરો પાડતી કંપન અદાણી ગેસ દ્વારા રીક્ષા અને કારમાં વપરાતા સીએનજીમાં કિલોએ 2.94 રૂપિયાનો ઘટાડો કર્યો છે, જ્યારે પાઇપ વડે ઘરે-ઘરે આપવામાં આવતા પીએનજીમાં સ્ટાન્ડર્ડ ક્યુબીક મીટર દીઠ 2.12 રૂપિયાનો ઘટાડો કર્યો હોવાનું જાણવા મળ્યું છે.

ગોંડલના પૂર્વ ધારાસભ્ય ચંદુ વઘાસિયા ભાજપમાં જોડાયા
ગોંડલ એનસીપીના પૂર્વ ધારાસભ્ય ચંદુ વઘાસિયા ભાજપમાં જોડાઇ ગયા છે. મળતી માહિતી અનુસાર રાજકોટ ખાતે આવેલા મારુતિ પાર્ક ખાતે વિજય રુપાણીના ચૂંટણી કાર્યાલયના ઉદ્ઘાટન સમારોહ દરમિયાન તેઓ ભાજપમાં જોડાયા હતા. આ ઉપરાંત કોટડા સાંગાણીના એનસીપીના 300 કાર્યકરો પણ ભાજપમાં જોડાયા હતા.

ગુજરાત યુનિવર્સિટીના પ્રોફેસર ઝાલાના જામીન મંજૂર
અશ્લીલ પત્રકાંડના આરોપી અને સસ્પેન્ડેડ પ્રોફેસર સમરણ ઝાલાના જામીન એડિશનલ સેશન્સ જજ એસ.જે.રાજેએ મંજૂર કરી લીધા છે, જોકે શરત મુકવામાં આવી છેકે તેઓ ગુજરાત યુનિવર્સિટીમાં પ્રવેશ નહીં કરી શકે. ઝાલાએ સેશનસ કોર્ટમાં કાયમી જામીન અરજી કરી હતી અને દલીલ કરી હતી કે તેઓ જામીનલાયક ગુનામાં છેલ્લા 40 દિવસથી સાબરમતી જેલમાં કેદ છે.

અમદાવાદમાં ગુંડાએ પીએસઆઇને તમાચો માર્યો
એલિસબ્રિજ ડી સ્ટાફ પીએસઆઇની ઓફીસમાં ઘુસી જઇ એક ગુંડાએ કહ્યું કે, મને બધા રાજકારણીઓ અને અધિકારીઓ ઓળખે છે, તું મારું કંઇ જ બગાડી શકીશ નહીં. ત્યારબાદ પીએસઆઇને તમાચો માર્યો હતો અને એક દારૂડિયાને છોડી મુકવા કહ્યું હતું. પોલીસે કુંજલ પટેલ નામના શખ્સ વિરુદ્ધ ગુનો નોંધી તેની ધરપકડ કરી છે અને વધુ તપાસ હાથ ધરી છે.

English summary

october 02, 2014 : News highlights of Gujarat.