પારુલ યુનીવર્સીટીના વધુ એક વિદ્યાર્થીએ આત્મહત્યા કરી
વડોદરાની પારૂલ યુનિવર્સિટીમાં આત્મહત્યાનો મામલો અટકવાનું નામ નથી લેતો. આવામાં વધુ એક વિદ્યાર્થીએ ગળેફાંસો ખાઇ આત્મહત્યા કરી છે.
વડોદરાની પારૂલ યુનિવર્સિર્ટી ડિપ્લોમાં મિકેનિકલ એન્જિનિયરિંગનો અભ્યાસ કરતાં કિશન ઠક્કર નામના વિદ્યાર્થીએ ગળેફાંસો ખાઇ આત્મહત્યા કરી છે. દંતેશ્વર વિસ્તારમાં પોતાના મકાનમાં ગળે ફાંસો ખાઈ આત્મહત્યા કરી છે. બે બહેનોના એકના એક ભાઇએ આત્મહત્યા કરી લેતા પરિવાર પર આભ તૂટી પડ્યો છે. આત્મહત્યાનું કારણ અકબંધ છે. મળતી માહિતી મુજબ વડોદરા શહેરના દંતેશ્વર વિસ્તારમાં દર્શનમ્ એન્ટીકા ડુપ્લેક્ષમાં રહેતા રાજેશભાઇ ઠક્કરને બે પુત્રી અને એક પુત્ર કિશન છે, જે પારૂલ યુનિવર્સિટીમાં ડિપ્લોમાં મીકેનીકલ એન્જિનીયરીંગમાં અભ્યાસ કરતો હતો.
રાજેશભાઇ ઠક્કર કામથી બહાર ગયા હતા અને પરિવાર અન્ય સભ્યો બીજા રૂમમાં હતા. તે દરમ્યાન કિશન ઠક્કરે પોતાના ગળે દોરી બાંધી ફાંસો ખાઈ બેડરૂમમાં આત્મહત્યા કરી લીધી હતી. મકરપુરા પોલીસને જાણ કરાતા ઘટના સ્થળે પહોંચી પોલીસે કાયદેસરની કાર્યવાહી હાથ ધરી હતી. મૃતદેહને પોસ્ટ મોર્ટમ માટે હોસ્પિટલ ખસેડવામાં આવ્યો હતો. પોલીસને મૃતક પાસેથી કોઈ સુસાઈડ નોટ મળી આવી નથી આત્મહત્યાનું કારણ અકબંધ છે.
{promotion-urls}
Click it and Unblock the Notifications
Sign in with Google
