રાજ્યમાં ભૂપેન્દ્ર પટેલ સરકારમાં 100 દિવસમાં 72 યોજનાઓમાં સૌ ટકા સિદ્ધી

મુખ્યમંત્રી ભૂપેન્દ્રભાઈ પટેલના નેતૃત્વમાં રાજ્ય સરકાર દ્વારા લોકહિતના કાર્યો કરવા માટે નિયત કરવામાં આવેલા 100 દિવસના લક્ષ્યાંકો સિદ્ધ કરવામાં વડોદરા જિલ્લાનું પ્રદર્શન; 100 દિવસના લક્ષ્યાંક હેઠળની 72 યોજનાઓમાં સો ટકાથી વધુ સિદ્ધિ મેળવામાં આવી

આંગણવાડીમાં સ્વચ્છતા, તાલીમ, ટેક હોમ રાશન વિતરણ, ગંગા સ્વરૂપા બહેનોને આર્થિક સહાય વિતરણ, પૂર્ણા દિનની ઉજવણી સહિતના લક્ષ્યાંકોમાં સો ટકા સિદ્ધિ; બાળકોના હેલ્થ સ્ક્રિનિંગ, આયુષ્યમાન કાર્ડ, મા કાર્ડ આપવા સહિતની યોજનાઓમાં સો કે તેના કરતા વધુ ટકાની સિદ્ધિ મેળવવામાં આવી છે.

મુખ્યમંત્રી ભૂપેન્દ્ર પટેલના નેતૃત્વમાં વર્તમાન રાજ્ય સરકારના સફળ કાર્યકાળના 100 દિવસ પૂર્ણ થવાના અવસરે રાજ્યના ગાંધીનગર ખાતે કાર્યક્રમ યોજાયો હતો. મુખ્યમંત્રીના વરદ હસ્તે આ પ્રસંગે વચનપાલન સાથે જનસેવા માટેના સુશાસનને ચરિતાર્થ કરતા 'સાથ, સહકાર અને સેવાના 100 દિવસ' પુસ્તકનું વિમોચન કરવામાં આવ્યું હતું.

મુખ્યમંત્રીએ માનનીય વડાપ્રધાનની અમૃતકાળમાં વિકસિત ભારત બનાવવાની સંકલ્પના સાકાર કરવામાં ગુજરાતને અગ્રેસર રાખવાની પ્રતિબદ્ધતા વ્યક્ત કરતાં જણાવ્યું કે, 'ટીમ ગુજરાત' પ્રાયોરિટી, પોલિસી અને પર્ફોર્મન્સના આધારે વિકાસની યાત્રા મક્કમતાથી આગળ વધારી રહેલ છે.

English summary

Performance of Vadodara district in achieving 100 day targets